Қылмыс

"Тұрмыстағы әйелмен байланыста болған": Сарыағаштағы кәсіпкердің өліміне қатысты жаңа деректер белгілі болды

  • "Тұрмыстағы әйелмен байланыста болған": Сарыағаштағы кәсіпкердің өліміне қатысты жаңа деректер белгілі болды

Сарыағаш қаласының 27 жастағы кәсіпкері Әуезхан Баймырзаевты ұрып-соғу ісінде жаңа мәліметтер пайда болды, деп хабарлайды Stan.kz ақпарат агенттігі "Астана" телеарнасына сілтеме жасап.

Кәсіпкерді осы жазда тұрмыстағы танысымен жақын қарым-қатынаста болғаны үшін өлімші етіп сабаған. Бұл қылмысқа күдікті ретінде әйелдің күйеуі мен ағасы ұсталды. Олар сотқа тартылды. Күдіктілер денсаулыққа ауыр зиян келтірді деп айыпталуда.

 
Алайда марқұмның туыстары істі "Адам өлтіру" дәрежесіне қайта сәйкестендіруді талап етеді. Олар сотталушылар орындығында екі емес, алты адам болуы керек деп санайды.

"Біз тергеудің біржақты болғандығы туралы даусыз фактілерді ұсындық. Бізде полиция мен прокуратура бірлесіп қылмыстық істі тергеу барысын ойдан шығаруға тырысып жатыр деген түсінік пайда болды. Марқұмды бірнеше адам өлтіру ниетімен ұрып-соққаны туралы бізде дәлелдер, куәгерлердің айғақтары бар", - деп мәлім етті марқұмның ағасының сенімді өкілі Құрманғазы Мүсір.

Телеарна мәліметінше, журналистерді белгісіз себептермен іс бойынша ашық процеске жібермеген. Алайда, жәбірленуші тарап ұсынған дәлелдерге байланысты судья істі қосымша тергеуге қайтарды.

Еске салайық, қаза болған кәсіпкердің ағасы әу бастан-ақ объективті емес тергеу туралы мәлімдеген. Ер адамды арбадағы ағасының көзінше ұрғанымен, оның айғақтары ескерілмеген. Сондай-ақ, туысының өтініші бойынша қылмыстық іс материалдарына қаза болған адамның пышақ жарақаттары туралы мәліметтер кірмеген. 

Інісінен қапияда айырылып қалған Болат Баймырзаев әділдік іздеп, президенттен араша сұрады.

"Құрметті, Қасым-Жомарт Тоқаев! Сізге бүкіл халық болып сенеміз. Осы қылмыстық істі өз бақылауыңызға алсаңыз деймін. Қылмыскерлердің таныс-тамырмен қылмысын жасыруға жол берілмесе екен", - дейді Болат Баймырзаев. 




Көрілген: 515    Пікірлер: 0

бейсенбі, 08.10.2020, 09:45

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30