Қылмыс

Ұлттық бюро ағайынды Рысқалиевтер ісіне қатысты мәлімдеме жасады

  • © ATPress.kz

    © ATPress.kz

Сыбайлас жемқорлыққа қарсы іс-қимыл жөніндегі ұлттық бюроның төрағасы Қайрат Сөнтаев ағайынды Рысқалиевтердің ұрлаған ақшасын қайтару бойынша қандай жұмыс атқарылып жатқанын айтып берді, деп хабарлайды Sputnik Қазақстан тілшісі.


Оның айтуынша, ағайынды Рысқалиевтерге қатысты сот үкімі бойынша ұрланған қаражатты мемлекетке қайтару шаралары да ескерілген. Оның ішінде Андоррадағы 14 миллион және Швейцариядағы 90 миллион доллар да бар.


"Сондай-ақ, сотталғандардың 3 миллиард теңгенің мүлкі тәркіленді. Оның ішінде Атырау облысы мен Ақтөбе облысында орналасқан 170 жылжымайтын мүлік бар. Бұдан бөлек, кінәлі азаматтардан заңсыз келісімшарттардың негізінде түскен 12 миллиард теңге тәркіленді", - деді Сөнтаев баспасөз мәслихатында.


Бюро басшының сөзіне қарағанда, сотқа дейінгі тергеу кезінде 3 миллиард теңге мемлекет меншігіне қайтарылды. Ағайынды Рысқалиевтер бұл ақшаны жылжымайтын мүлікті мемлекеттік баланстан шығару арқылы иемденген.


"Қазіргі кезде шетелге ақшаны жылыстату фактілері бойынша сотқа дейінгі тергеу шаралары жүргізіліп жатыр. Соның аясында Андорра мен Швейцарияның құзіретті органдарымен арест салынған мүлікті қайтару бойынша бірлескен жұмыс атқарылуда. Ал сотталғандарды экстрадициялауға қатысты барлық шаралар қолға алынды", - деп атап көрсетті Сөнтаев.


Ағайынды Рысқалиевтер ісі


Айта кетейік, 2019 жылдың қаңтарында Атырау облысының бұрынғы әкімі Бергей Рысқалиев пен оның ағасы, экс-депутат Аманжан Рысқалиевке қатысты сот үкімі шыққан. Экс-әкім 17 жылға, оның ағасы 16 жылға бас бостандығынан айырылған, әрі олардың мемлекетке келтірілген шығыны 72 миллиард теңгеге бағаланған.


Бергей Рысқалиев пен Аманжан Рысқалиев 2012 жылы елден шығып кетті. Оларға халықаралық іздеу жарияланған.

Бергей Рысқалиев 2006-2012 жылдары Атырау облысы басшысы қызметін атқарған. Осы уақыт аралығында, тергеу мәліметі бойынша, бірнеше мәрте заң бұзыпты. Рысқалиевке қылмыстық кодекстің сегіз бабы бойынша айып тағылған: аса ірі көлемде мемлекет қаражатын қымқыру, алаяқтық, қылмыстық жолмен тапқан ақшаны заңдастыру, қылмыстық ұйым құрып, басқару, қызметтік өкілеттігін асыра пайдалану және тағы басқа.


Кей БАҚ мәліметіне сүйенсек, Бергей Рысқалиев Ұлыбританияда саяси босқын мәртебесіне ие.


 




Көрілген: 471    Пікірлер: 0

жұма, 24.05.2019, 15:01

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30