"Ақшаны өздеріңмен бірге алып келіңдер": Желіде мұғалімдер чатындағы жанжал қызу талқыға түсті

02 маусым 2022, 08:20

Желіде Алматы облысы Еңбекшіқазақ ауданының мұғалімдері чатындағы жанжал қызу талқыға түсті, - деп хабарлайды Tengrinews.kz тілшісі.

Чатта белгісіз әйел курсқа барлық мұғалім қатысуға міндетті екенін, тізімді тексеретінін, ақшаны қолма-қол алып келу керектігін, 215 мұғалімнің 124-і ақылы жазылғанын айтады.

"Ешқандай банк картасымен емес, төлемді өздеріңмен бірге алып келіңдер. Қатыспайтындар директордың қолы қойылған түсіндірме хат әкеліңдер", - дейді әйел.

Алматы облысының білім басқармасы оқиғаға қатысты пікір білдірді. Басқарманың мәліметінше, осы оқиғаға қатысты аудандағы оқу-әдістемелік орталығының қызметкерлері жазаланған.

"1-4 маусым аралығында Еңбекшіқазақ ауданында екі күндік ақылы ағылшын тілі курстары өтті. Біз ақылы курстар мен семинарлар өткізуге қатаң тиым саламыз. Аудандағы оқу-әдістемелік орталығының қызметкерлері тиісті жазаларын алды", ​​- деді басқарма.