Ақтөбе тұрғыны үстіне қоқыс контейнері құлап қаза болды, - деп хабарлайды Tengrinews.kz тілшісі.
ІІМ мәліметінше, Ақтөбеде 1 қаңтарда "102" телефонына "103" операторынан Сәңкібай батыр даңғылындағы үйдің ауласында адамға қоқыс жәшігі құлағаны туралы хабарлама келіп түскен.
"Жедел-тергеу тобы контейнерді тиеу кезінде КамАЗ көлігінің көтергіш механизмі бұзылып, металл қоқыс контейнері ЖШС-нің 38 жастағы қоқыс жинау қызметкеріне құлағанын анықтады. Бірнеше сағаттан кейін әйел алған жарақаттарынан қаланың Көпсалалы облыстық ауруханасында қаза болды", - делінген хабарламада.
Осы факт бойынша ҚР ҚК-нің 156-бабы 3-бөлігі "Еңбекті қорғау ережелерін бұзу" бойынша соталды тергеу басталды.