Алматыда Жаңа жыл қалай тойланады?

29 желтоқсан 2022, 09:33

Алматыдағы негізгі мәдени іс-шара 31 желтоқсанда «Астана» алаңында өтеді. Сағат 21:00-ден 23:50-ге дейін қазақстандық шоу-бизнес жұлдыздарының қатысуымен мерекелік концерт болады. Президенттің құттықтау сөзінен кейін мерекелік отшашу басталады, - деп хабарлайды Alashainasy.kz Алматы қаласының әкімдігінің телеграм арнасына сілтеме жасап.



Республика Сарайының жанында 20 желтоқсаннан 5 қаңтарға дейін жаңа жылдық фестиваль өтеді. Абай алаңында 26 сәндік кіші сәулет пішіндер, фотоаймақтар, түрлі дүкендер мен мейрамханасы бар 30 шағын үй орнатылған.



Жаңа жылдық жәрмеңкеде қазақстандық қолөнершілер мен дизайнерлердің ерекше сыйлығын таңдап алуға болады. Мұнда танымал заманауи музыканттар мен орындаушылар өнер көрсетеді.



Қала аудандарында шыршалар орнатылып, конькимен сырғанау мұз айдындары ашылған, жәрмеңкелер мен концерттер өтеді. Қала бойынша биіктігі 1 метрден 2,5 метрге дейінгі ертегі кейіпкерлерінің 40 көлемді фигурасы орнатылды. Толығырақ картамыздан көріңіз.