Синоптиктер 30 мамыр, яғни дүйсенбіге арналған ауа райы болжамын жариялады, деп хабарлайды Azattyq Rýhy.
«ҚР аумағының басым бөлігіне антициклон әсер етеді, осыған байланысты ҚР батысы мен оңтүстігінде жауын-шашынсыз ауа райы болады. Еліміздің солтүстігінде, шығысында, оңтүстік-шығысында және орталығында фронталды бөліктердің өтуімен тұрақсыз ауа райы сақталады, жаңбыр жауып, найзағай ойнайды, жел күшейеді, солтүстік және оңтүстік-шығыс аймақтарда бұршақ жаууы ықтимал», - делінген «Қазгидромет» РМК баспасөз хабарламасында.
Жамбыл облысының оңтүстігінде, шығысында, солтүстігінде, таулы аудандарында найзағай, бұршақ, дауыл болады, күндіз оңтүстік-батыста, солтүстік-шығыста, таулы аудандарында жел 15-20 м/с күшейеді.
Алматы облысының Жалаңашкөл аудандарында желдің 17-22 м/с, екпіні 24-29 м/с күшеюі сақталады.
Таңертең және күндіз Түркістан облысының таулы аудандарында найзағай ойнап, тау асуларында 15-25 м/с жел соғады.
Күндіз Ақмола облысының батысында, солтүстігінде, шығысында найзағай, бұршақ болады, облыстың солтүстігінде жел 15-20 м/с күшейеді.
Қостанай облысында таңертең және күндіз солтүстік-батысында, солтүстігінде найзағай, бұршақ, дауыл болады, күндіз облыстың батысында, солтүстігінде желдің 15-20 м/с, екпіні 23 м/с күшейеді.
Күндіз Солтүстік Қазақстан облысының батысында найзағай ойнап, бұршақ жауып, түнде және таңертең облыстың батысында тұман түседі, батысында, солтүстік-шығысында жел 15-20, екпіні 23 м/с жетеді.
Күндіз Павлодар облысының солтүстігінде желдің екпіні 15-20 м/с күшейеді.
Шығыс Қазақстан облысының оңтүстігінде, шығысында найзағай ойнайды, жел 15-20 м/с күшейеді.
Шығыс Қазақстанның облысының Жарма ауданында, Қызылорда, Павлодар облыстарының орталығында, Павлодар облысының, Батыс Қазақстан облысының оңтүстігінде, Ақтөбе облысының орталығындас төтенше өрт қаупі сақталады.