Егілген және егілмеген адамдар арасындағы сырқаттанушылық деңгейі бірдей

19 желтоқсан 2022, 13:19

Қазнет қолданушылары COVID-19-ға қарсы егілген және егілмеген адамдар бірдей жиілікпен және қарқындылықпен ауру жұқтырып, ауырады деп жазуда, - деп хабарлайды Alashainasy.kz STOPfake.kz
телеграм арнасына сілтеме жасап.

Бұл олай емес.

2022 жылдың қыркүйегінде 2021 жылдың қаңтары мен 2022 жылдың сәуірі аралығында АҚШ-тағы СOVID-19-мен ауруханаға жатқызу жағдайлары салыстырылған зерттеу жарияланды.

Ол вакцина алмағандар арасында инфекция жұқтырған жағдайда ауруханаға жатқызу қаупі бірнеше есе жоғары екенін көрсетті. Бұл ретте тәуекел науқастың жасына қарай артады – ол неғұрлым үлкен болса, ауруханаға жатқызу ықтималдығы соғұрлым жоғары болады.

Вакцинацияланған адамдар да COVID-19 жұқтыруы мүмкін екені сөзсіз, бірақ бұл вакцина алмағандарға қарағанда әлдеқайда аз болады. Орта есеппен, толық егілген адамдардың шамамен 1,2%-ы COVID-19 жұқтырады. Бұл ретте көп жағдайда ауру жеңіл өтеді және ауруханаға жатқызу қажет болмайды.

Демек, таралған хабарлама – фейк. Вакцинацияланған адамдар егілмегендерге қарағанда COVID-19-бен сирек ауырады және ауру жеңіл өтеді.