Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Қазақстандық оқушылар АҚШ-та тегін оқи алады

15 желтоқсан 2022, 09:13

Қазақстандық оқушылар АҚШ-та тегін оқи алады. Әңгіме FLEX білім беру бағдарламасы туралы болып отыр. Осы және басқа да мәселелерді оқу-ағарту министрі Асхат Аймағамбетов АҚШ-тың Қазақстандағы төтенше және өкілетті елшісі Дэниел Розенблюммен кездесуінде талқылады.


Сондай-ақ екі жақ мұғалімдердің біліктілігін арттыру және мұғалімдерге арналған сертификаттар мен курстарды тану мәселелерін қарады.
 
"Елдеріміз арасында білім беру саласындағы өзара тиімді ынтымақтастық орнатылып, білім берудің барлық деңгейінде бірден бірнеше жоба іске асырылып жатыр. Біз әртүрлі тәжірибе алмасу бағдарламаларын құп көреміз, мысалы, FLEX арқылы 2 000-нан астам оқушы АҚШ мектептерінде оқыды. Ағылшын тілін дамыту - тиімді бағдарламалардың бірі. Бағдарлама қатысушылары ұйымдарымызда ағылшын тілін үйретеді. Сондай-ақ STEM және инклюзивті білім беруді дамыту бойынша белсенді жұмыс істеп жатырмыз. Барлық бағыт бойынша алдағы уақытта ынтымақтастығымыз нығая түсетініне сенемін", - деп айтты оқу-ағарту министрі Асхат Аймағамбетов.
 
АҚШ-тың Қазақстандағы Төтенше және өкілетті елшісі Дэниел Розенблюм ынтымақтастыққа дайын екенін айтып, екіжақты байланыстың әлеуетін атап өтті.


"Ел болашағы өскелең ұрпақтың білімімен тығыз байланысты. Бұл - өте маңызды миссия. Өзіңіз атағандай, біздің көп жылдар бойғы табысты серіктестігіміз жалғасып келеді. Одан әрі ынтымақтастыққа дайынбыз, оның ішінде, Қазақстандағы мұғалімдердің біліктілігін арттыру бағдарламалары бойынша", - деп атап өтті Дэниел Розенблюм.


Кездесуде білім саласындағы ынтымақтастықтың басқа да мәселелері талқыланды. Атап айтқанда, мұғалімдердің біліктілігін арттыру, колледждерді дамыту, инклюзивті білім беру. Сонымен бірге тараптар екі елдің мектепке дейінгі, орта, техникалық және кәсіптік білім беру саласындағы әріптестігін одан әрі нығайтуға және кеңейтуге қызығушылық білдірді.

sputnik.kz