Кірісі мен шығысы сәйкес келмейтін шенеуніктер айыппұл төлеп, қызметтен қуылады

30 желтоқсан 2022, 09:32

Болашақта Қазақстанда кірісі мен шығысы сәйкес келмейтін шенеуніктер айыппұл төлеп, қызметтен қуылады, деп хабарлайды Экспресс К.

Нақтырақ айтсақ, 2027 жылдан бастап мемлекеттік қызметкерлердің декларациялардағы кірістері мен шығыстарындағы алшақтық тексеріледі. Бұл туралы Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов айтты.


Кіріс пен шығыс арасы 1000 АЕК-тен, яғни үш миллион теңгеден аспауы тиіс. Егер мемлекеттік қызметкердің жылдық табысы бес миллион теңге болса, ал ол мүлікті тоғыз миллион теңгеге сатып алса, онда ол 1000 АЕК, яғни үш миллион теңгеден асып кеткен, - дейді Ұлан Сарқұлов.


Осындай жағдайда айыппұл салынады екен. Сөйтіп, ол мемлекеттік қызметкерлердің жауапкершілігін күшейту көздеп отырмыз деп айтты.