Жұлдызды жаңалықтар

«40 күндік дұғамды оқығандар айлығын өсіріп, жұмысқа тұрып, пәтер алып жатыр» - Құралай ханым

  • «40 күндік дұғамды оқығандар айлығын өсіріп, жұмысқа тұрып, пәтер алып жатыр» - Құралай ханым

    «40 күндік дұғамды оқығандар айлығын өсіріп, жұмысқа тұрып, пәтер алып жатыр» - Құралай ханым

«Сәресі ішіп, намаз оқып болған соң күн шыққанша ұйықтамаған дұрыс екенін имамдар да айтады. Сол уақытта дұға оқып, тілек тілеген абзалырақ. Мен де сол таңғы уақытта күн шығуына жарты сағат қалғанда эфирге шығып отырамын», - дейді ол.

Әлеуметтік желі арқылы елге онлайн ақыл айтып, мотиватор, коуч атанып жүргендердің бірі – «Құралай ханым»деген атпен танымал әйел. Одан кеше ernur.kz порталы көлемдірек сұхбат алған екен. Ал біз сол сұхбатта айтылған әңгіменің жалпы мағынасына ғана тоқталмақпыз, деп жазады Skifnews.kz ақпарат порталы.

«Бізде «құрбандық» болып кеткен, ұрыс пен зорлықта өмір сүріп жүрген әйелдер көп. Сондай тағдырмен алысатын әйелдер азайса екен деп тілеймін. Осы мақсатта білгенімді қазір бәріне қол жетімді инстаграм желісінде бөлісуге тырыстым, эфирлерді ютубқа да жүктеп отырамын. Осы кезге дейін әр қалада семинар мен ақылы онлайн сабақтар өткізіп жүрмін», - дейді Құралай ханым.

Әйелдерге желіде 30 күн бойы отырып психологиялық кеңес берген ол, ораза кезінде де тыным таба қоймапты.

«Сәресі ішіп, намаз оқып болған соң күн шыққанша ұйықтамаған дұрыс екенін имамдар да айтады. Сол уақытта дұға оқып, тілек тілеген абзалырақ. Мен де сол таңғы уақытта күн шығуына жарты сағат қалғанда эфирге шығып отырамын. Таңғы уақытта тілек тілеген жақсы. Сол кезде адамдарға сенім, психология туралы айту өзіме де ұнайды», - дейді.

Әңгіме барысында тілші Қарашаш Есенбай оған: «Сіздің кейбір жазбаларыңызды «дінге қайшы, серік қосу» деп сынап жатады. Мысалы, 40 күндік дұға туралы түрлі әңгімелер айтылып жатыр, өзіңіз не дейсіз?» - деген сұрақ қойған екен. Құралай ханым оған да тосыла қоймаған.

«Мен бос сөз емес, нақты нәтижелерді айтқанды жақсы көремін. Мысалы, сол дұғаларды оқу арқылы Ақбота Бакенова деген қыз айлық табысын бес есе өсіріп, жолы болғыш адамға айналғанын жазыпты. Енді бір келіншек армандап жүрген екі бөлмелі пәтер алғанын жазыпты. Одан кейін мен әр іске шүкіршілік керегін сезіндіру үшін күніне 77 рет рақмет айту керегін айтамын. Соны айтып жүрген бір әйел бесінші күні жұмысқа кіргенін жазыпты. Осы сияқты дәлелдер көп, оның барлығын адамдар өздері де жазып жатыр», - дейді психология арқылы намазға жығылған онлайн тренер.

 

 




Көрілген: 3649    Пікірлер: 0

дүйсенбі, 27.04.2020, 08:42

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30