Жұлдызды жаңалықтар

«QAZAQSTAN ДАУЫСЫ» жобасының жеңімпазы анықталды

  • «QAZAQSTAN ДАУЫСЫ» жобасының жеңімпазы анықталды

    «QAZAQSTAN ДАУЫСЫ» жобасының жеңімпазы анықталды

Төрт ай бойы отандық телеарналардағы сенбілік бағдарламалар арасында топ жарып, рейтинг бойынша көш бастаған әйгілі «The Voice» шоуының қазақстандық нұсқасы мәреге жақындады. Бүгін 4 тәлімгер мен 4 үміткер арасынан үздігі анықталды, деп хабарлайды аталған телеарнаның баспасөз қызметі.

Сәкен Майғазиевтің шәкірті Құралай Мейрамбек «Qazaqstan дауысы» музыкалық жобасының жеңімпазы атанып, 5 миллион теңге иеленді. Сонымен бірге «Қазақстан» телерадиокорпорациясы әрі қарай Құралайдың өнеріне қолдау білдіреді.

SMS-дауыс беру нәтижесі бойынша:

1-орын – Құралай Мейрамбек

2-орын – Ерік Төленов

3-орын – Ернар Амандық

4-орын – Аружан Айдарбек иеленді

Биыл жобаға қатысуға www.qazaqstan.tv ресми сайты мен аймақтағы іріктеулер арқылы 6000-нан астам адам өтінім беріп, бұрын-соңды болмаған рекорд орнатты. Олардың арасынан алғашқы кезеңге 200-ге жуық қатысушы шақырту алды. Еліміздің түкпір-түкпіріндегі таланттардың басын қосқан жобаға Украина, Қырғызстан, Грузия, Қытай елдерінен үміткерлер қатысты.

Бұған дейін олар «Көрмей таңдау», «Жекпе-жек», «Жарға жығу», тікелей эфирдегі сайыстар мен «Жартылай финал» кезеңдерінде бақ сынаған болатын. Тәлімгер Майра Мұхамедқызының тобынан финалға Ернар Амандық, Сәкен Майғазиевтің тобынан Құралай Мейрамбек, Маржан Арапбаеваның тобынан Аружан Айдарбек, ALEM-нің тобынан Ерік Төленов жолдама алды.

Қатысушылар тек вокалдық қабілеттеріне қарай таңдалатын «The Voice» жобасы әлемнің 140-тан астам елінде көрсетіледі. Әйгілі телешоудың қазақстандық нұсқасы апта сайын әлемдік «Best of the Voice» рейтингісіне еніп, жоғары көрсеткішке ие болды. Ал қатысушылардың жобада орындаған әндері YouTubе-тағы ресми арнада 37 миллионнан астам қаралым жинады.




Көрілген: 1037    Пікірлер: 0

жексенбі, 26.12.2021, 13:17

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31