Дариға Бадықова: Жұртқа қарапайым этикеттің өзін пост жазып түсіндіруіміз керек

17 қараша 2021, 10:19

Дариға Бадықова өзінің жеке өміріне өтіп, ақыл айтатын оқырмандарына ренжулі. Одан бөлек, көмек сұрайтын көп балалы аналар саны артты деп кейіді. Бұл адамдардың жалқаулығы мен жауапсыздығы дейді ол.

“Көп балалы ана едім. Баламның памперсіне ақшам жоқ еді, Алла разылығы үшін көмектесші” деп өтініш хат жазатын әйелдерден кейде: “Жүре бергенше неге туып алмайсың?” деген ақыл естіп жатамыз.

 
Парадокс. Жалпы “жеке шекара” дегенді ұғыну үшін біздерге әлі тағы бірнеше жыл қажет болады-ау. “Әркім өз өмірін өз қалауынша сүреді”, “ақылды тек сұрағанда ғана айту керек” деген элементарный этикеттің өзін арнайы пост жазып түсіндіруіміз керек болды”, – деп жазды актриса парақшасында.

Дариға Бадықованың айтуынша, өзінің жеке өміріне өтіп ақыл айтатын оқырмандары көп. Әуелі көмек сұрайды. Кейін ақылсынады. Бұл қарама-қайшы дүние деп атап өтті ол.

“Негізі “көп балалы ана едім” деп көмек сұрайтындар көбейді, расымен. Балам ішіп кетті, балам шегіп кетті” деген хатта көп. Баланың көп болғаны жақсы ғой, әрине. Бірақ ол балалар үшін жауапкершілікке басқа адамның қатысы қанша. Қысқасы, ойлану керек. Ойланып әрекет ету керек. Шекарадан өтпеу керек”, – деп жазды Бадықова. 

“Өздеріңше ақылсымақ болмаңдаршы. Сол көп балалы шаңырақта туып-өстіңдер ғой. Кішкентай дәрежеге жетіп мұрындарыңды шүйірмеңдерші. Әр баланың өз несібесі бар”, “Бірақ қандай қатты қиын заман болса да, әке-шешеміз қайыр сұрап, әркімнен ақша не тамақ сұрамаған. Әкеміз де шешемізде баланы өзі үшін тауып, өзі үшін баққан”, “Адамнан емес, Алладан сураныздар”, “Көп балалылардың бәрі ақша сұрап жүрмеген шығар, көпке топырақ шашудың қажеті қанша. Кім біледі алдында қандай күндер күтіп тұрғанын, әр баланың несібесі Алладан”, “Менің ең жек көретін сөздердің бірі осы, ұлым бірге толмай тағы біреуін туып ал деген ақылгөйлер көп болған”, “Бала туу әйелдің қолында емес қой, Алла біледі”, – деп жазды желідегілер.