Жұлдызды жаңалықтар

"Халқыма ризамын": Гауһар Әлімбекова дұғаның арқасында ақталып шыққанын айтты

  • "Халқыма ризамын": Гауһар Әлімбекова дұғаның арқасында ақталып шыққанын айтты



Бүгін Алматы қаласында өткен сот отырысында танымал әнші Гауһар Әлімбекова ақталып шықты. Бұған дейін алаяқтық жасады деп айыпталған әншінің кінәсі дәлелденбеді. Өз сөзінде Әлімбекова өзіне қолдау білдіргендерге алғыс айтты. Сіздердің дұғаларыңыздың арқасында жеңіп шықтым, дейді ол, деп хабарлайды Stan.kz тілшісі.


Гауһар Әлімбекова


"Сіздерді жақсы көремін. Сіздердің дұғаларыңыздың арқасында жеңіп шықтым деп ойлаймын. Қорғаушылардың ақысыз көмек көрсеткені үшін алғыс білдіремін. Олардың жолына да ақша берген жоқпын. Өз еркімен көмектесті. Алланың бар екеніне күмәнданбаңыздар. Бірінші Алла, екінші сіздердің дұғаларыңыздың арқасы, үшіншіден, өзімнің сенімім себеп болды деп ойлаймын. Сіздерге үлкен рахмет!" - дейді Әлімбекова.


Сонымен қатар, әнші өзін айыптаған Бақыт Назароваға неліктен халықтан жиналған ақшаны бермегенін түсіндірді. 


"Халықтан ақша жинауды ешқашан сұраған емеспін. Керек десеңіздер, түрмеде отырған кезде Шынқуат Байжанов келгенде айқайлап жылап, ол ақшаны не үшін жинап жатқанын сұрадым. "Не үшін жинап жатырсыздар? Қайта менің халыққа беруім керек. Халықтың ақшасын қайтарыңыздар!" дедім. Мен әншілерді кінәлайын деп отырған жоқпын. Олар да маған жанашыр, тілектес болды. Ерғали мен Ақботаға алғысым шексіз! Олар басында істің мән-жайын білген жоқ", - дейді әнші.


Өз сөзінде өзінің де жәбірленуші екенін айтқан Гауһар Әлімбекова өзінің үш үйді ала алмай қалғанын жеткізді. Мұны ешқашан айтпай келдім, дейді ол.


"Ол (Бақыт Назарова – ред.) бір үйден ұтылса, мен үш үйден ұтылдым. Ол пәтерін жалға беріп отырды. Егер менің арам ойым болса, өзім тұрған үйдің жанынан үй алғызып, көрші боламын ба? Сондықтан халықтың ақшасынан бір тиын да алмаймын. Оған ешқандай қақым жоқ. Ол ақша халыққа қайтарылуы тиіс", - дейді Әлімбекова.


Сондай-ақ, ақталып шыққан әнші алдағы уақытта қайырымдылық мақсатында концерт ұйымдастырып, кешке өзіне тілеулес болып, қолдау білдіргендердің бәрін шақыратынын айтты. Халқыма ризамын, деп түйіндеді Әлімбекова.







 




Көрілген: 1224    Пікірлер: 0

бейсенбі, 11.04.2019, 13:06

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31