Жұлдызды жаңалықтар

"Несиеге амнистия жариялап, жастардың баспаналы болуына көмектессеңіз екен": Нұрлан Албан Тоқаевқа бейнеүндеу жолдады

  • "Несиеге амнистия жариялап, жастардың баспаналы болуына көмектессеңіз екен": Нұрлан Албан Тоқаевқа бейнеүндеу жолдады

Танымал әнші Нұрлан Албан ел президенті Қасым-Жомарт Тоқаевқа бейнеүндеу жолдады. Ол бүлікшілер тәртіпсіздік жасаған кезде ел үшін барын салған президентке алғысын айта отырып, алда жаңа реформаларды іске асыру кезінде бірнеше мәселені назарға алуды өтінді. Оның ішінде, тіл мәселесі, жастарды жұмыспен қамту, қариялардың зейнет жасын қысқарту, білімді азаматтардың шетелге кетпеуіне жағдай жасау және несиеге амнистия жариялау бар, деп хабарлайды Stan.kz ақпарат агенттігі.
Нұрлан Албан президентке арнаған бейнеүндеуін өзінің желідегі парақшасында жариялады. Ол осыдан үш жыл бұрын президент болып сайланғанда елге адал қызмет етуге ант бергенін, оның еңбегі кешегідей сын сағаттарда сыналатынын айтып өтті. Осы орайда ел басшысына алғысын білдірді. Нұрлан Албанның президентке жолдаған үндеуін қаз қалпында назарларыңызға ұсынамыз.

Аса мәртебелі Президент - Қасым-Жомарт Кемелұлы!

Айтпағым: күні кеше елімізде болған ауыр жағдайда, Қазақстан халқының амандығына бар күш-жігеріңізді салып, ел мен жердің сақталынып қалуына арпалыса кірістіңіз. Бұл ерен еңбегіңіз - болашақ ұл-қыздарымыз үшін ұмытылмас ерлік болып қалары сөзсіз.
Құрметті Қасым-Жомарт Кемелұлы!

Осындай келеңсіз жағдайлардан соң, аз ғана уақыттың ішінде болған кадрлық ауысулардан кейін, Сіздің Мемлекеттің болашағы үшін жаңа реформаларды қолға алып, іске асыратыныңызды білемін. Сол жаңа реформаларды іске асыру барысында, мына жайттарды да ескере отырсаңыз екен деген азаматтық өтінішім бар.

1. Ана тіліміз қазақ тілінің өз мемлекетімізде еркін көсілуіне жол ашып берсеңіз екен.

2. Мемлекеттің экономикасы мен саясатының, білімі мен мәдениетінің жан-жақты дамуына орасан үлес қосатын - білікті мамандар екені рас. Шет ел асып кетіп жатқан маман иелерінің, басқа елге көшпеуіне мұрындық болсаңыз.

3. Жастар - Қазақстанның тірегі, тілегі! Мемлекетімізді қорғайтын қарулы күште де, өнер мен білім-ғылымда да, әлемдік бәсекелестікте де алдыңғы шепте тұратын – жастар! Осы жастарды жұмыспен қамту және олардың баспаналы болуына немесе Мемлекет тарапынан, жастарға "иттің табанындай" болсын тегін жер телімін беруге көмектессеңіз екен.

4. Халқымыздың қазынасы - қариялар. Қазақтың әр шаңырағындағы әке мен шеше, ертеңгі ата-әжелеріміз. Зейнет жасына жеткен ата-ананың, әсіресе аналардың зейнетке шығу жасын қысқарту мәселесі.

5. Қазақстанда ғана емес, әлемде болып жатқан экономикалық дағдарыс - соңғы жылдары біздің елдің әрбір азаматына қатты әсер еткенін, өзіңіз де жақсы білесіз. Нарық қысып, азық-түлік пен тауар қымбаттап, ел-жұрттың басым бөлігі қарызға белшесінен батып кетті. Кезінде жақсы жұмыс жасап жүргенде, сол жұмыстарына сеніп, екінші деңгейлі банктерден алған несие-кредиті, бүгінгі күні әр қазақ отбасының сорына айналды. Осы алынған несие-кредиттер үшін амнистия жасасаңыз екен.

Деніңізге саулық, ісіңізге береке тіледім!

Құрметпен: қазақ ән өнерінің өкілі - Нұрлан Албан.




Көрілген: 598    Пікірлер: 0

бейсенбі, 13.01.2022, 14:41

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31