Оқиға

Ағаділдің өлімі: прокуратура мәйіттегі жарақат іздерін түсіндірді

  • © Sputnik / Максим Маслов

    © Sputnik / Максим Маслов

Бүгін қала прокурорының орынбасары Елдос Қилымжанов арнайы баспасөз мәслихатын өткізіп, Дулат Ағаділдің денесіне жасалған сот-медициналық сараптама туралы айтып берді, деп хабарлайды Sputnik Қазақстан тілшісі.

 

"Марқұмның денесін зерттеу кезінде ағасы мен адвокаты тарапынан ешқандай арыз түскен жоқ. Мәйітті тексеру шарасы бейнежазбаға түсірілді. Бірақ этика бойынша біз оны жариялай алмаймыз. Сосын жақын туыстары да рұқсат бермеді. Алдын ала қорытынды - жүрек қызметінің нашарлауы. Зертханалық зерттеулер нәтижесінде сот-медициналық сараптаманың нақты қорытындысы шығарылады", - деді Қилымжанов.

 

Оның айтуынша, бұған дейін тараған бейнежазбада "Дулаттың денесінде жарақат іздері бар" деген ақпарат айтылған болатын.

 

"Бұл - мәйіт дақтары және биологиялық өлім көрінісі. Медициналық тілмен айтқанда, жүрек тоқтап қалғанда мәйітте дақтар пайда болады. Тіпті, адам қайтыс болса да, бір сағаттан кейін шыға береді", - деп атап көрсетті Қилымжанов.


Сот-медициналық сараптамаға қатысқан тәуелсіз сарапшы Арман Аханбеков те Дулаттың денесінде жарақат іздерінің емес, мәйіт дақтарының болғанын растады.

 

"Негізі, мәйіт дақтары - бұл қан жиналып қалатын жерлер. Олар салмақтың күшімен төмен қарай сырғып кетеді. Ал бір-екі тәулік ішінде қозғалмай қалады да, формасын өзгертпей тұрады. Түсі қара көк, сол себепті жарақат іздеріне ұқсайды. Алайда сараптама кезінде біз жарақат іздерін анықтаған жоқпыз", - деп атап көрсетті Қилымжанов.

 

Ағаділдің өлімі

 

25 ақпанда ішкі істер органдары Нұр-Сұлтандағы тергеу изоляторында қоғам белсендісі Дулат Ағаділдің қайтыс болғанын хабарлады. Оқиға орнына жеткен жедел жәрдем бригада қызметкерлері ер адамның өлімін растады.

 

Ағаділ қаңтар айында сырттай айыпталушы деп танылып, оған қатысты ешқайда кетпеу туралы бұлтартпау шарасы қолданылған еді. Мұны орындамағаны үшін сот қоғам белсендісіне қатысты шараны қамауға алмастырды.

 

24 ақпан күні сағат 21:00-де Ағаділ үйінен тергеу абақтысына жеткізілді. Оған қатысты қылмыстық заңбұзушылық жасап, судья мен сот отырысына қатысушыларға тіл тигізгені үшін қылмыстық іс қозғалған болатын.


 




Көрілген: 203    Пікірлер: 0

жұма, 28.02.2020, 17:52

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30