Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Ақтауда парашюті ашылмай қалған сарбаз ауыр жағдайда жатыр

11 тамыз 2020, 14:33

Маңғыстау облысында жауынгерлік даярлық барысында әскери қызметшілердің бірінің парашюты ашылмай қалды. Сарбаз ауыр жағдайда ауруханада жатыр. Бұл туралы ҚР Қорғаныс министрлігінің баспасөз қызметінен мәлім етті, деп хабарлайды ҚазАқпарат тілшісі.

 

«2020 жылғы 5 тамызда Ақтау қаласында ұшу құрамы парашютпен секіруді орындау барысында әскери қызметшілердің бірінде парашют толық ашылмады. Жерден берілген командаларға парашютші жауап бермеді. Қосалқы парашютті пайдаланбау салдарынан жерге қатты түсті», - делінген министрлік ақпаратында.

 

Ведомство мәліметінше, зардап шеккен әскери қызметшіге алғашқы медициналық көмек көрсетіліп, Ақтау қаласының медициналық мекемесіне жедел жеткізілген.

 

«8 тамыз күні дәрігерлер хирургиялық операция жасады. Әскери қызметшінің жағдайы ауыр. Парашютпен секіру қолайлы метеорологиялық жағдайларда жауынгерлік даярлық жоспарына сәйкес орындалды. Әскери қызметшілермен секіруді орындау алдында қауіпсіздік шараларын сақтау бойынша нұсқаулық өткізілді. Оқиғаның себептерін анықтау бойынша қызметтік тергеу басталды», - деп атап өтеді Қорғаныс министрлігінен.