Оқиға

Алматы облысында мектеп түлектері көлік апатына түсіп, жансақтау бөлімінде жатыр (видео)

  • © ҚазАқпарат

    © ҚазАқпарат

Алматы облысында көлік тізгіндеген мектеп түлектері жол апатына түсті. Зардап шеккендердің екеуі жансақтау бөлімінде жатыр, деп хабарлайды ҚазАқпарат тілшісі.


Оқиға 25 мамыр күні соңғы қоңыраудан кейін, Алматы-Талдықорған тасжолының Балпық би мен Бақтыбай ауылының арасында болған.


Дәрігерлердің сөзінше, түскі сағат бір шамасында 2001-2002 жылы туған 4 адам ауруханаға жеткізілген. Олардың үшеуі бір мектептің түлегі.


Көлік тізгінінде солардың бірі болған. Қазір екі науқас жансақтау бөлімінде жатыр. Бірінің жағдайы ауыр, арнайы аппараттың көмегімен тыныс алуда. Оның мойын омыртқасы сынып, жұлынына зақым келген. Бірден ота жасалған.


«Омыртқасы орнына қойылды. Бірақ әлі нәтиже жоқ. Науқастың жағдайы ауыр. Екінші науқастың сан сүйегі сынған. Тобықтары сынған. Бір-екі күнде облыстық ауруханаға ауыстырылып, операция жасалады», - деді Көксу аудандық ауруханасының дәрігері Шыңғыс Рахимов.


Ал зардап шеккен өзге екі жас жарақаттарының жеңіл болуына байланысты үйлеріне жіберілген.


«Көлік апатына түскен үш бала біздің мектептің биылғы түлектері. Олардың ата-аналарына ескертілген. Балаларыңызға қараңыздар, қазір олардың алып-ұшып отырған уақыты деп те айтылды. Енді біз амандығын ғана тілеп отырмыз. Анықтамаларын әкеп берді, емтихандарынан босатылады, оларды сауыққаннан кейін тапсырады», - деді Талдықорған қаласына қарасты Еркін ауылындағы №11 мектептің директоры Гүлбаршын Бейсекенова.


 




Көрілген: 1158    Пікірлер: 0

сейсенбі, 28.05.2019, 23:45

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31