Оқиға

Алматы облысында метал қабылдау пунктінен жарылғыш заттардың ірі арсеналы тәркіленді

  • © Қостанай медиа

    © Қостанай медиа

Іле аудандық полиция басқармасында жарылғыш құрылғыларды тасымалдау мен сақтаудың екі дерегі тіркелді, деп хабарлайды kaz.zakon.kz Алматы облысы ПД баспасөз қызметіне сілтеме жасап.

"Алғашқы жағдайда, Қарасай ауданында тұратын 22 және 23 жастағы екі жас ер азамат металл сынықтарын жинаумен айналысу кезінде, 125 мм калибрлі 4 артиллериялық танк снарядын тауып алған. Айта кететін жәйіт, біреуі жарғыш затымен бірге болған, ал екіншісінікі оған қауіп төндіретін жақын жерде орналасқан. Олар жарылғаш заттарды "Toyota Camry" маркалы автокөлігінің артқы орындықтарында тасымалдаған және "Бүркіт – 402" экипажының полицейлері оларды дәл сол орыннан тапқан. Екінші жағдайда, полиция қызметкерлері жалпы саны 160 бірліктен асатын жарылғыш құрылғыларды Іле ауданындағы ауылдардың металл қабылдау пунктінің бірінің аумағынан тауып, тәркіледі. 49 және 35 жастағы екі металл қабылдаушы басшыларының рұқсатынсыз жарылыс қаупі бар заттарды қабылдауды жүзеге асырған. Тәркіленген заттардың қатарында авиациялық ракеталардың жарылмаған фрагменттері, миномет снарядтары, жарғыштар, кассеталық-жарықтандыру, артиллериялық снарядтар мен броньды авиациялық бомбалардың фрагменттері бар", - деп хабарлайды Алматы облысы Іле аудандық полиция басқармасының бастығы полиция полковнигі Марат Куштыбаев.

 

Аталған дерек бойынша ҚР ҚК 287-бабы 1-бөлігі бойынша сотқа дейінгі тергеу амалдары басталды. Күдіктілер мекенжайын өзгертпеу туралы қолхатпен босатылды.

 

"Жақында Қапшағай қаласында металл қабылдау пунктінде дәл осындай заттардың жарылуы салдарынан қайғылы жағдай, яғни жас жігіт қаза тапты. Полицейлер көптеген адамның өмірін құтқарып қалды деуге болады. Жарылғыш заттардың кез келгенінің жарылу қаупі бар және ол тізбекті реакция тудырып, заңсыз сақталған арсеналдың жалпы жарылысына әкелуі мүмкін еді", - деп толықтырды полковник Куштыбаев.

 

Полиция қызметкерлері барлық азаматтарды кез-келген жарылғыш құрылғыларды байқаған кезде оларды ұстамауға, бірден оқиға орнына полицияны шақыруға және өзі мен айналасындағыларға қауіп төндірмеуге шақырады.

 




Көрілген: 211    Пікірлер: 0

бейсенбі, 19.03.2020, 09:08

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31