Алматы облысында тауар тиелген жүк көлігі өртеніп кетті

22 сәуір 2022, 17:43

Алматы-Өскемен тас жолында халық тұтынатын тауарлар тиелген жүк көлігі өртеніп кетті. Өрттің шығу себебі анықталуда, - деп хабарлайды Alashainasy.kz тілшісі Zakon.kz-ке сілтеме жасап.

- 20 сәуір күні сағат 20:53-те Төтенше жағдайлар департаментінің кезекші байланыс пультіне Алматы облысынан 93 км жердегі Байсерке ауылының тас жолында халық тұтынатын тауарлар тиелген Mercedes-Benz жүк көлігі өртенді деген хабарлама келіп түсті, деп мәлімдеді Алматы облысы Төтенше жағдайлар департаментінің баспасөз қызметі

 

Өрт сағат 21:59-да сөндірілді. Құрбандар мен зардап шеккендер жоқ. Өрттің шығу себебі анықталуда.

 

Тілсіз жауды сөндіруге Алматы облысы Төтенше жағдайлар департаментінің алты қызметкері мен екі техникасы жұмылдырылды.