Оқиға

Алматыда "өрмекші адам" көпірден секірмек болған ер адамды қалай құтқарды (видео)

  • Видеодан кадр

    Видеодан кадр

Алматыда белгісіз ер адам жаяу жүргіншілер көпірінен секірмек болған. Куәгерлер, жүргізушілер мен полиция қызметкерін елемеген ер адамды 21 жастағы жігіт құтқарып қалды. Ол өрмекші адам тәрізді жылдам қимылдап бірден ер адамның жанына жеткен. Tengrinews.kz тілшісі жас құтқарушыдан болған оқиғаның егжей-тегжейін анықтады.

 

10 наурыз күні түстен кейін Рысқұлов даңғылындағы Шемякин көшесі маңындағы жаяу жүргіншілер өткелі үстінде отырған белгісіз адам көлік жүргізушілері мен жаяу жүргіншілер назарын аудартты. Бірнеше минуттан кейін оқиға орнына адамдар тобы жиналып, кейінірек полиция қызметкерлері келді.

 

Рысқұлов көшесі бойында екі бағытқа да көлік қозғалысы қиындап, даңғылда кептеліс пайда болды. Әуежайдан үйіне қайтып келе жатқан Алматы тұрғыны Самат Әнет те көлік кептелісінде қалып қойған. Жігіт ойланбастан көліктен шығып, баспалдақпен көпір үстіне одан әрі, көпір үстіндегі доға тәрізді темірге өрмелеп шыққан.

 

"Үйге қайтар жолда көпір маңындағы адамдар тобын көріп тоқтадық. Ешкім оны түсіруге тырыспады. Бәрі видеоға түсіріп, бақылап тұрды. Сондықтан оны құтқаруға кірістім. Мені көріп қоймас үшін басқа жаққа қарағанын күтіп, көпір үстіне өрмелеп шықтым", - деді Самат.

 

Ол шамамен бес минут бойы қолайлы сәтті күтіп отырған. Кейін ыңғайлы уақытты пайдаланып ер адамды өз-өзіне қол жұмсаудан құтқарып қалды.

 

"Мен жоғарыға өрмелеген сәтте төмендегі адамдар оны жерге түсуге көндіруге тырысты. Кейін ол темір бойына жатқан сәтті пайдаланып, оны ұстап алдым. Ол шамамен 30 жастағы ер адам. Үстінен ішімдік иісі шықпады", - деді Самат Анет.

 

 

"Маған оны байлау үшін арқан лақтырды. Төменде оны бес адам ұстап алды. Кейін бірден кетіп қалдым. Ешқайда асығып тұрған жоқ едім, тек назар аудартқым келмеді. Ол адамды құтқара алатынымы білдім, сондықтан сол әрекетке бардым", - деп қосты ол.

 

Самат Әнеттің ТЖМ "Республикалық жедел-құтқару жасағында" жұмыс тәжірибесі болғаны белгілі болды. Самат ол жерде бір жыл жұмыс істегенін, кейін 2020 жылдың басында денсаулығына байланысты жұмыстан шыққанын айтты.

 

21 жастағы Самат Анет. Фото жеке мұрағаттан алынған

 

Ол жұмыстан шыққаннан кейін де бірінші рет төтенше жағдайға тап болғанын айтты. Оның айтуынша, өткен жазда ол кездейсоқ Президент саябағы жанынан өтіп бара жатып, екі көлік соқтығысып қалғанын көрген. Ол ойланбастан жанып жатқан көлік ішінен жүргізушін алып шықанын айтты.

 

 

 




Көрілген: 416    Пікірлер: 0

бейсенбі, 11.03.2021, 17:59

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31