Әскери ұшақтар Шымкент аспанын торуылдап жүр

13 сәуір 2022, 12:51

Шымкент тұрғындарын қаланы айналып, өте төмен ұшқан әскери ұшақтар шошытты, - деп хабарлайды Alashainasy.kz тілшісі otyrar.kz-ке сілтеме жасап.

Қазақстанның Қорғаныс министрлігі алаңдауға негіз жоқ деп хабарлады.

 

Су-25 ұшағының Шымкент үстінде ұшуы «Батыл Тойтарыс-2022» стратегиялық командалық-штабтық оқу-жаттығуымен байланысты.

 

«Оқу ұшулары ұшу дағдыларын арттыруға және экипаждарды дайындауға бағытталған. Ұшулар бөлімшелердің құрамында әртүрлі биіктікте, күндізгі және түнгі уақытта орындалады», – делінген министрлік хабарламасында.

 

Еске салайық, «Батыл тойтарыс – 2022» оқу-жаттығуы 16 сәуірге дейін жалғасады.

 

Сондықтан осы күнге дейін жауынгерлік дайындық тапсырмаларын орындау үшін ұшақтар  ұшатын болады.