Оқиға

Астанада күйеуі бұрынғы әйелін капотында сүйреген (видео)

  • Видеодан кадр

    Видеодан кадр

Нұр-Сұлтанда KIA Cerato жүргізушісі бұрынғы әйелін капотында сүйреген, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.

 

"Отбасылық драма түнде Гете көшесіндегі вокзал алаңында өрбіген. Ерлі-зайыпты автокөлік салонында әңгімелесіп отырып, сөзге келіп қалған. Әйелдің айтуынша, ол көліктен шыққан, бірақ салонда құжаттарын ұмытып кеткен. Ал күйеуі есікті ашпай, қозғала бастаған. Осы уақытта әйел автомобильдің капотына секіре жөнелген. Жүргізуші  оған қарамастан жылдамдықты арттыра отырып, жүре берген.

Жанынан өтіп бара жатқан жүргізушілер автокөлік капотынан әйелді көріп, тәртіп бұзушыны тоқтатуға тырысқан, алайда ол жылдамдықты төмендетпестен жол бойындағы көліктерді басып озады. Нәтижесінде куәгерлер көліктің жолын жауып тастады. Полиция қызметкерлері де бейнебақылау камералары арқылы жүргізуші әрекетін байқап, оқиға болған жерге экипаж жіберді", - деп хабарлады полиция өкілдері.

 

 

"Полицейлер жүргізуші мен әйелді полиция басқармасына жеткізді. Бұрынғы ерлі-зайыпты мәселені өзара шешті. Әйел зардап шеккен жоқ.

 Аталған дерек бойынша KIA Cerato жүргізушісіне қатысты Әкімшілік құқық бұзушылық туралы кодекстің 593-бабы 1-бөлігі бойынша әкімшілік іс қозғалды. Нұр-Сұлтан полиция департаментінің басшылығы өз әрекеттерімен жолдағы қайғылы оқиғаның алдын алуға көмектескен жанашыр жүргізушілерге алғысын білдіреді", - делінген хабарламада.

 




Көрілген: 294    Пікірлер: 0

жұма, 23.10.2020, 08:14

Достарыңмен бөліс:

  • СОҢҒЫ ЖАРИЯЛАНЫМДАР:
    4 Қараша, 08:44
    Иесін іздеген ит

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30