Байқоңырдағы полицейді көлікпен басқан жігіт қамауға алынды

04 қазан 2022, 18:15

Байқоңыр қаласында полицейді көлікпен басқан жас жігіт қамауға алынды. Тәртіп сақшысы моральдық шығын талап етіп отыр, - деп хабарлайды Alashainasy.kz тілшісі "Sputnik Қазақстан"-ға сілтее жасап.

Ресми мәліметке сәйкес, Төретам ауылының 29 жастағы тұрғыны түнгі уақытта Байқоңырға көлікпен кіргісі келген. 5 бақылау-өткізу бекетінде оны тәртіп сақшылары тоқтатқан. Бірақ ол полицейлердің айтқанына бағынбай, алға жүріп кеткен. Сол кезде бір полиция қызметкері жеңіл жарақат алды. Көлік жүргізушісі мас күйінде болды.

 

Ресейлік құқық қорғау органдары билік өкіліне қатысты күш көрсету бойынша іс қозғады. Көлік жүргізушісі қамауға алынды. Ал Mercedes-Benz маркалы көлігіне арест салынды. Себебі жарақат алған полицей моральдық шығын төлеп беруді талап етті.

 

Қазіргі кезде күдікті Байқоңыр ғарыш айлағының уақытша ұстау изоляторында отыр. Ол мекеме Ресейдің ішкі істер министрлігіне қарайды. Ресейлік тәртіп сақшылары қылмыстық істі қазақстандық тарапқа тапсырды.

 

Қазақстандық сот та жазаны тағайындайды. Сондай-ақ, полиция қызметкерлеріне төленетін моральдық залалдың сомасын анықтайды.