Бір ай бұрын жоғалған жігіттің мәйіті зираттан табылды

19 желтоқсан 2022, 16:07

16 желтоқсанда Қызылқоға ауданы Қаракөл ауылының 20 қараша күні таңертең ерте үйінен шығып кетіп, із-түссіз жоғалып кеткен 24 жастағы тұрғынының мәйіті табылды, - деп хабарлайды Alashainasy.kz тілшісі azh.kz-ке сілтеме жасап.

Бастапқыда оны іздеуге ТЖД мен полицияның көп күші жұмылдырылды, кейіннен «ҚазАвиаСпас» АҚ тікұшағы қосылды. Бірақ нәтиже бермей, біраз уақыттан кейін іздеу жұмыстарының белсенді кезеңі тоқтатылды.

 

Ал мәйітті далада – Қаракөлден 22 шақырым қашықтықтағы «Өмірәлі» деген жердегі бейіттердің арасынан қойларын іздеп жүрген шопан тауып алған.