Оқиға

"Буы бұрқырап жатыр": Ақтөбеде мектеп оқушылары дезинфекция кезінде уланып қала жаздады

  • "Буы бұрқырап жатыр": Ақтөбеде мектеп оқушылары дезинфекция кезінде уланып қала жаздады

Ақтөбеде мектеп оқушылары шыбын-шіркейді улайтын дәріден уланып қала жаздады, деп хабарлайды Stan.kz ақпарат агенттігі “Астана” арнасына сілтеме жасап.

Шыбын-шіркейге қарсы дезинфекция жүргізу барысында дезинфекция құралының улы түтіні жоғарғы қабатқа көтерілген. 

 
Оқиға қалалық №9 мектеп-гимназиясында болған. 

Мектепте таралған түтіннен оқушылар қатты шошынған. Улы түтін, қолқаны қауып, жөтел қысқан соң  балалар дүргіліп, сыртқа жүгірген. Кезекші мұғалім Олег Светтің айтуынша,  жертөледе  дезинфекция жұмыстары жүргізілген, мамандар шыбын-шіркей, бүрге мен масаға қарсы у шашқан. 

“Сыныптарды улаған жоқ, тек подвалды, содан аздап ауаға шыққан шығар. Сол кезде балалардың көбі кетті, 5-7 сынып оқушылары оқиды, негізі кетіп болды, болса 2-3 сынып болған шығар, нақтысын білмеймін”, – дейді кезекші мұғалім Олег Свет. 

Дезинфекция жұмыстары не себепті сабақ біткеннен кейін жасалмағаны әлі белгісіз. Қалалық білім бөлімінің басшысы дезинфекция жүргізген жұмысшылардың сөзіне сүйеніп, шыбын-шіркей уы бала денсаулығына қауіпті емес деді. Дегенмен, гимназия директоры жауапқа тартылғанын айтты.  

“Мектеп басшылығына сол оқу процесі кезінде осындай дезинфекция жұмыстарын жүргізгені үшін қатаң сөгіс жарияланды. Бірақ осы күнге ата-аналар, балалар тарапынан медициналық көмекке мұқтаж болғаны туралы бізге ақпарат келген жоқ”, – дейді қалалық білім бөлімінің басшысы Меткүл Қосымбаева. 

Ал санитар дәрігерлер мектепте дезинфекциялық жұмыстар жүргізуге ұйғарым берілмегенін айтады. Мектеп басшылығы қай фирмамен келісімшартқа отыратынын өзі шешеді. Тек улау кезінде ғимарат ішінде ешкім болмауы тиіс. 

“Өңделіп жатқан кезде іште адамдар, оқушылар, мұғалімдер болмауы керек. Ол мектеп келісімшартқа отырғаннан кейін, күнді белгілегеннен кейін оқушылар, мұғалімдер бәрі хабарлануы керек”, – дейді Ақтөбе облыстық санитарлық-эпидемиологиялық бақылау департаменті басшысының міндетін атқарушы Гүлбану Дәулетова. 

Балалары үшін алаңдаған ата-аналар енді мектеп директорын жұмыстан қууды талап етіп отыр.




Көрілген: 718    Пікірлер: 0

сенбі, 16.10.2021, 00:06

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31