Екібастұзда инкассатор көлігі өртке оранды

30 қазан 2020, 08:14

Жолдың ортасында тұтанған көліктің ішінде ақша болған жоқ, деп хабарлайды Pavlodarnews.kz.

 

Облыстық төтенше жағдайлар департаментінің хабарлауынша, Әуезов көшесінде отқа оранған көлікті сөндіруге алты өрт сөндіруші мен бір техника  жұмылдырылған. Олар өртті сегіз минуттың ішінде ауыздықтады.

 

- Өрт сөндірушілер бара жатқанда машинаның жанында жүргізуші ғана тұрған, инкассаторлар да, ақша да болған жоқ. Ашық алаңда «Газель» көлігінің  алаңы төрт шаршы метрді құрайтын салоны мен мотор бөлігі толығымен жанып кетті. Өрттің шығу себебі анықталып жатыр, - деді төтенше жағдайлар департаментінде.

 

Алдын ала болжам бойынша, қозғалтқыш бөлігіндегі қысқа тұйықталу өрттің шығуына себеп болған.

 

Автокөлік «Халық Банкі» АҚ-ға тиесілі.

<iframe name="instframe" width="500" height="340" src="https://www.instagram.com/p/CG7f_HGHPd9/embed" frameborder="0"></iframe>