Оқиға

Екібастұзда төтенше жағдай жарияланды

  • Фото:instagram.com/news_pvl

    Фото:instagram.com/news_pvl

Екібастұзда Сәтбаев каналының сорғы станциясындағы өрт салдарынан техногендік төтенше жағдай жарияланды. Шығын - 270 миллион теңге, - деп хабарлайды Tengrinews.kz тілшісі.

 

Екібастұз қаласы әкімінің баспасөз қызметінің мәліметі бойынша, төтенше жағдай режимін енгізу туралы шешімді төтенше жағдайлардың алдын алу және жою жөніндегі қалалық комиссия қабылдады.

 

"29 тамызда Сәтбаев каналы тармағына тиесілі №2 сорғы станциясында болған апатқа байланысты жергілікті техногендік сипаттағы төтенше жағдай жариялау туралы шешім қабылданды. Комиссия төрағасы Ардақ Қаңтарбаев бірқатар тиісті мәселені айтты. Жауапты шенеуніктерге апат толығымен жойылғанша бақылауда ұстау туралы нұсқаулар берілді", - деп хабарлады Екібастұз қаласы әкімінің баспасөз қызметіндегілер.

 

Павлодар облысы Төтенше жағдайлар қызметінің баспасөз қызметі мәліметінше, өрт Екібастұздан 35 шақырым жерде орналасқан №2 сорғы станциясында 29 тамызда болған.

 

"Сорғы станциясының төрт деңгейлі темірбетон ғимаратында үшінші және төртінші деңгейдегі өрт шығып, 150 шаршы метр және жалпы ауданы 100 погон метр электер кабелі мен алаң жанып жатқанын көрдік", - деді Павлодар облысы ТЖД баспасөз қызметі өкілі.

 

Екібастұз әкімдігінің ақпараты бойынша, өрт сорғы станциясында кернеудің бірнеше рет төмендеуі салдарынан болған. Қазір станция тексеру, өрт салдарын жою мерзімдерін белгілеу үшін жөндеуге шығарылды. Алдын ала шығын сомасы шамамен 270 миллион теңге болған. Жөндеу жұмыстары шамамен 10 күнді алады.

 

"Кейбір су қоймаларындағы су қоры болған жағдайда Екібастұз өңірінің тұтынушыларына Ертістен қосымша су тартпай тағы 21 күн су жіберуге болады. Екібастұз өңірінің тұтынушылары тұтынатын судың орташа көлемі айына - 1,7 миллион текше метр. Қазіргі уақытта су қоры 17 миллион текше метр, яғни тұтынушыларға су беру қаупі жоқ, су қоры 5-6 айға жетеді", - деп сендірді Екібастұз әкімдігі өкілі.

 

 

 

 




Көрілген: 446    Пікірлер: 0

сейсенбі, 31.08.2021, 17:29

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31