Оқиға

Елордада кішкентай қыз бала 100-ден астам магнитті жұтып қойған

  • https://www.inform.kz/

    https://www.inform.kz/

Елордада жеті жасар қыз бала 100-ден астам кішкентай магнитті жұтып қойған. Хирургтер ота жасап, баланың мұрны мен асқазанынан магниттерді алып тастады. Бала қазір емделіп жатыр, деп хабарлайды ҚазАқпарат қала әкімдігіне сілтеме жасап.

 

Ата-аналар баласын дамытуға арналған ойыншықтармен қуантамын деп жүріп, оның денсаулығына қандай зиян келтіргенін білмей қалуы да мүмкін. Бұл бір-біріне жабысатын магнит шар, текше, моншақ тәрізді ойыншыққа қатысты.

 

Былтыр №2 Көпбейінді қалалық балалар ауруханасына өңеш, асқазан, асқазан-ішек жолдары (АІЖ) және бронхтарға бөгде заттар түсіп кеткен 162 бала көмекке жүгінген.

 

«Негізінен түйме, моншақ, пульттің батареясы секілді түрлі ұсақ затты жұтып қойған 1 мен 5 жас аралығындағы балалар келеді. Дәрігерлер алып тастаған бөгде заттардың 17 пайызы – магнит. Көбінесе мұндай жағдай бала ойнап жүргенде, қараусыз қалғанда болады», – дейді хирург-дәрігер Серікжан Нұржанов.

 

Аурухананың мәліметінше, 56 баланың өңешінен осыған ұқсас бөгде заттар алынған, 80 баланың асқазан мен асқазан-ішек жолынан осныдай заттар табылды, бөтен заттар бронх және тыныс жолына түсіп кеткен 30 бала тіркелген.

 

«Өткен аптада магнитті-резонансты томографиялық (МРТ) зерттеу үшін ауруханаға түскен 7 жасар қызға операция жасалды. Баланың мұрнын тексеру кезінде дәрігерлер бөтен заттар мұрынын (магниттер) бітеп қалғанын анықтады. Осыдан кейін бала рентгенге түсуге жіберіліп, асқазанда магниттердің жиналғаны анықтады. Нәтижесінде біз 100-ден астам кішкентай магнитті алып тастадық. Қазіргі уақытта баланы тексеру және толық емдеу жүргізіліп жатыр», – деді аурухананың хирургия блогының жетекшісі Ринат Байгиреев.

 

«Егер бала магнитті жұтып қойса, ол өңеште тұрып қалады, ал басқа жағдайда асқазанға түседі. Одан әрі бөгде заттардың асқазан-ішек жолдарына түсіп кетуіне айналмалы бұлшық ет кедергі келтіреді. Егер магниттің өткір, үшкір тұстары болса, өңештің шырышты қабығына әртүрлі деңгейде зақым келеді, тіпті тіліп кетуі мүмкін. Әсіресе ауыр зардаптар бөтен затты бірден емес, бірнеше күннен кейін алып шыққан кездер болды. Қабыну салдарынан инфильтрация ғана емес, тіндердің некрозын тудыратын жара пайда болады», – деді хирург-дәрігер Серікжан Нұржанов.

 

 

Сондай-ақ, ол бөгде зат денеде неғұрлым ұзақ болса, бала үшін соғұрлым қауіпті.

 

«Егер бала бір магнитті жұтып қойса, онда ол негізінен табиғи түрде өзі шығады. Егер олар денеде ұзақ уақыт болса жағдай қиындайды. Олар асқазан-ішек жолдарының әртүрлі бөліктеріне жабысып қалады. Ал жабысқан жерде некроз перфорацияға дейін дамиды және перитонитке ұласады. Егер тыныс алу жолында бөгде зат болса, онда ол ателектазге ұласады, сол жерде перфорация, медиастинит пайда болып, іріңдей бастайды, ал егер асқазанға не ішекке түссе де перфорация мен перитонит тудырады», – дейді маман Нұржанов.

 

Дәрігерлер ата-аналарға сақ болуы керектігін және мұндай жағдайда дереу медициналық көмекке жүгіну қажеттігін ескертеді.

 

 

 

 




Көрілген: 233    Пікірлер: 0

бейсенбі, 16.09.2021, 12:24

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31