Қарағанды-Ақадыр учаскесінде 19 жүк вагоны рельстен шығып кетті

28 желтоқсан 2022, 14:12

Бүгін таңертең Қарағанды-Ағадыр бағытындағы Қарабас станциясында жүк пойызының 19 вагоны рельстен шығып кетті, - деп хабарлайды Alashainasy.kz тілшісі "qazaqstan.tv"-ға сілтеме жасап.

Абырой болғанда зардап шеккендер жоқ.

 

Алдын ала болжам бойынша, апатқа бастапқы вагон дөңгелектерінің айналмай қалуы себеп болған.

 

Бидай тиелген пойыз тіркемелері жеке компанияға тиесілі.

 

Оқыс оқиғаның мән-жайын анықтау үшін арнайы жұмыс тобы құрылды. Апат болған учаскені тазарту жұмыстары жүріп жатыр. Екі жолаушылар пойызы кестеден кешіккен.