"KEGOC" АҚ Қазақстанның энергожүйесінің бірқатар аймақтарында апаттық режим енгізу туралы ақпаратқа қатысты түсініктеме берді, - деп хабарлайды Alashainasy.kz тілшісі Zakon.kz-ке сілтеме жасап.
Бұған дейін ҚР Бірыңғай электр энергетикалық жүйесінің жүйелік операторы ірі өнеркәсіптік кәсіпорындар үшін электр энергиясы тұтынысына шектеулер енгізе отырып, энергия жүйесінің Солтүстік, Оңтүстік, сондай-ақ Батыс аймақтары бойынша апаттық режим жариялағаны туралы ақпарат пайда болған еді.
"KEGOC" АҚ баспасөз қызметі 15 желтоқсанда "апаттық" режим жарияланбағанын нақтылап айтты.
"Апат" режимі Қазақстан – Орал мемлекетаралық түйісу желісіне шамадан тыс жүктеменің түсуіне, ҚР энергожүйесінде 1 мың МВт-тан астам көлемде қуат тапшылығының орын алуына байланысты 8 және 14 желтоқсанда Солтүстік және Оңтүстік энергетикалық аймақтарда жарияланды" – деп мәлімдеді "KEGOC" АҚ баспасөз қызметі.
Компанияда атап өткендей, болашақта "Апат" режимі мемлекетаралық және өңіраралық электр беру желілерінде авариялық шамадан тыс жүктемелер түсу кезінде туындайтын Бірыңғай электр энергетикалық жүйенің қалыпты жұмысының бұзылу қаупі төнген кезде ғана енгізілетін болады.