Оқиға

Қостанай облысында 4 жыл бұрын із-түзсіз кеткен әйелдің сүйегі табылып, қайта жоғалды

  • © Sputnik / Табылды Кадырбеков

    © Sputnik / Табылды Кадырбеков

Қостанай облысында 4 жыл бұрын хабарсыз кеткен әйелдің сүйегі табылды. Бұл туралы облыстық полиция департаментінің баспасөз қызметі хабарлады.

 

Өңірлік Alau.kz сайтының хабарлауынша, Виктория Курочкина 2017 жылы Қашар ауылындағы үйінен шығып, қайта оралмаған. 32 жастағы Виктория 24 қыркүйек күні күндіз ұялы телефонын алмай, кәмелетке толмаған екі баласын қалдырып, белгісіз бағытта шығып кеткен.

 

Оны бірнеше ай бойы іздеген. Іздеу жұмыстарына 140 полиция қызметкері, ТЖ қызметі, өрт сөндірушілер, жергілікті білім беру бөлімінің мамандары қатысты. Әйелді іздеуге Рудный политехникалық колледжінің оқытушылары мен студенттері, ІІМ оқу орталығы мен академиясында білім алушылар, ССКӨБ комбинатының қызметкерлері мен іздестіруге қатысатын иттер де жұмылдырылған.

 

Викторияның таныстары оның спортпен айналысатын жауапты адам екенін, жай кетіп қалуы мүмкін емес екенін айтты.

 

Викторияның әпкесі Римма Рыжова 2019 жылы Викторияның сүйегі табылғанын мәлімдеді.

 

"2019 жылы ағама Федоров ауданының аумағында адам сүйегі табылғанын хабарлады. Болжам бойынша ол – Викториянікі. Ағам ДНҚ талдауын тапсырды. Екі ай ішінде нәтижесін хабарлаймыз деді. Алайда жауап келген жоқ", – деген Рыжова 2020 жылы ағасы полицияға барып, одан тағы да анализ алғанын айтады.

 

"Алғашқы сараптамадан нәтиже шықпапты", – дейді ол.

 

Марқұмның сүйегі қайда екені белгісіз

 

Оның айтуынша, олар бауырының сүйегін жерлеу үшін алып кетпек болған. Алайда оларға ешкім бермей отыр.

 

"Біз жауап күттік. Бізге тергеушінің нөмірін берді, ол істің Рудный мұрағатында жатқанын айтты. Сүйегі қайда екенін анықтай бастадық. Федоров мәйітханасында сүйегін полицияның алып кеткенін айтты. Ал полицей алып кетпеген. Бізді ары-бері жүгіртіп отыр. Барлығы қайта хабарласамыз деп, хабарласпайды. Сүйегін қайдан іздейтінімізді, қалай жерлейтінімізді елестете алмай отырмыз", – дейді Римма.

 

"Туыстары түсіндіруді қажет етеді…"

 

Қостанай облысы полиция департаменті баспасөз қызметінің хабарлауынша, іс Рудный полиция басқармасының өндірісінде Қылмыстық кодекстің 99-бабы "Адам өлтіру" бойынша тіркелген.

 

"2019 жылдың 23 мамырында Федоров ауданында адам қаңқасының қалдығы табылды. Сот молекулярлық-генетикалық сараптамасы оның Қашар ауылының тұрғыны Виктория Курочкинаға тиесілі екенін растады. Туыстарына Қылмыстық іс жүргізу кодексінің 118-бабына сәйкес мәйіттің сүйектері қылмыстық іс бойынша заттай дәлелдеме екенін түсіндіру қажет", – деп хабарлады облыстық полиция департаментінің баспасөз қызметі.

 

Ал енді туыстары марқұмның сүйегін алып жерлеуі үшін Рудный полиция басқармасына өтініш беруі қажет көрінеді.

 

 

 

 

 

sputnik.kz

 

 

 




Көрілген: 843    Пікірлер: 0

дүйсенбі, 01.03.2021, 20:19

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30