Оқиға

Қызылордада тоққа қосулы қалған телефонның кесірінен тұрғын үй өртке оранды

  • https://sn.kz/

    https://sn.kz/

Қызылорда қаласында жер үйден өрт шықты. Отбасының тұрмыстық заттары мен киім-кешектері толығымен жанып кеткен. Алдын ала мәлімет бойынша, тілсіз жау ұялы телефон электр қуаттағышынан шыққан, деп хабарлайды @qyzylordanews.


Оқиға 11 қараша күні сағат 17.30 шамасында Қорқыт ата көшесі бойындағы тұрғын үйде тұтанған. Құтқарушылардың жедел әрекет еткеніне қарамастан, үйдің шатыры мен ішіндегі заттар түгел отқа оранған.


«Салдарынан көлемі 10х15 метр болатын тұрғын үйге көп зиян келді, адам шығыны жоқ. Оқиға орнына тиісті сала мамандарымен бірге қала әкімдігінің өкілдері де барып, мәселенің мән-жайымен танысты. Өрттің шығу себебі анықталуда. Отбасы мүшелері түгел туысқандарының үйіне көшірілді. Оқушы балалар мектепке қажетті киімдермен, құрал-жабдықтармен және оқулықтармен толық қамтамасыз етілді. Сондай-ақ, қаржылай көмек көрсетілді. Қазіргі таңда қала әкімдігі тарпынан отбасына басқа да көмек көрсету мүмкіндіктері қарастырылуда. Мәселе қала әкімінің тікелей бақылауында», - деп мәлім етті Қызылорда қаласының әкімдігінен. ⠀


Қызылорда облыстық Төтенше жағдайлар департаменті Өрт сөндіру және апаттық-құтқару жұмыстары қызметінің баспасөз хатшысы Әлия Ережепованың хабарлауынша, оқиға орнына 3 техника мен жеке құрам қатарынан құтқарушылар, өрт сөндірушілер және «Апаттар медицинасы» орталығынан барлығы 20 адам жұмылдырылды.


«Бізге алдын ала белгілісі, үйде ұялы телефон электр қуаттағышқа қосулы болған. Сол сәтте үйде ешкім болмаған. Оқиға салдарынан зардап шеккендер жоқ. Өрттің нақты шығу себептері анықталуда», - деп мәлім етті Әлия Ережепова.


sn.kz 




Көрілген: 249    Пікірлер: 0

сәрсенбі, 13.11.2019, 17:59

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31