Үш апта бұрын Маңғыстауда 32 жастағы бес баланың анасы жоғалып кетті, - деп хабарлайды Alashainasy.kz тілшісі Zakon.kz-ке сілтеме жасап.
Облыстық полиция департаменті келіншекті іздеу жұмыстары басталғанын мәлім етті.
Хабарламада Ақшұқыр ауылының тұрғыны Айтжан Мұсабаева 6 желтоқсан күні үйінен белгісіз бағытта шығып, әлі оралмағаны айтылған.
Оның қолында жәрдемақы алуға арналған картасы болған.
Lada басылымы жоғалып кеткен әйел бес баласы бар көп балалы ана екенін жазды.
Полицияның баспасөз қызметі із-түзсіз жоғалған келіншекті іздеу жұмыстары басталғанын хабарлады.
Айтжан Мұсабаеваны көрген-білгендер болса, мына телефон нөмірлеріне хабарласуын сұраймыз: 8 (700) 499 72 92; 8 (778) 645 77 93 немесе "102".