Оқиға

"Өмірі 40 теңге тұра ма": Кондуктор қатты аязда 8 жасар оқушыны автобустан түсірген

  • "Өмірі 40 теңге тұра ма": Кондуктор қатты аязда 8 жасар оқушыны автобустан түсірген

Оқушының ата-анасы автопарк басшысына шағымданып, кондукторды жұмыстан шығарды


Оралда кондуктор күннің қатты суық екеніне қарамастан, 8 жасар оқушыны автобустан түсіріп кеткен, деп хабарлайды КТК арнасы.


Орал қаласында №2 автобустың кондукторы 8 жастағы баланы жол ақысын төлемегені үшін қоғамдық көліктен түсіреді. Осы жағдайдан кейін оқушы үйіне жылап келген. Оқиға №31 орта мектеп аялдамасында болған.

"Менің ақшам бар еді. Қалтамнан алайын дегенімде жоғалғанын байқадым. Кондуктор ұрысып, мені түсіріп тастады", — деді Ерасыл есімді оқушы.


Ерасыл Ризаков — үшінші сынып оқушысы. 23 қаңтар күні ол №2 автобусқа отырып үйіне қайтпақ болады. Бірақ жолға төлейтін ақшасын жоғалтып, үйіне бір сағат жаяу жүріп келуге мәжбүр болады. Ата-анасы баласы сабақтан уақытылы келмеген соң алаңдай бастайды. Мұғаліміне хабарласқанда ол Ерасылдың автобусқа отырып кеткенін айтады. Сосын Ерасылды іздей бастайды. Оқиғаның мән-жайын естіген соң оқушының ата-анасы автопарк басшылығына шағым түсірген.


"Кешкі сағат сегіз жарымда ұлым үйге келді. Ол бәрін айтып берді. Кондуктор үшін баланың өмірі 40 теңге тұра ма?" — деді Ерасылдың анасы Сандуғаш Шойынжанова.


Осы шағымнан кейін қызметтік тексеріс жүргізіліп, "Орал техникалық қызмет" ЖШС басшылығы кондуктордың кім екенін анықтады. Кондуктор өз кінәсін мойындады. Қазіргі уақытта жұмыстан босатылды.


 




Көрілген: 275    Пікірлер: 0

сенбі, 26.01.2019, 19:45

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30