Оқиға

Өскеменде 13 жастағы бала қысым көрсеткен полицейді тістеп алған

  • Көрнекі сурет: diapazon.kz

    Көрнекі сурет: diapazon.kz

Өскемен қаласында 13 жасар жеткіншек пен автобус кондукторы арасында жол ақысы үшін жанжал туындап, соңы төбелеске ұласқан. Дау шығарған жасөспірімді электршокермен қорқытпақ болған полицейді бала тістеп алған деп хабарлайды Устинка сайтына сілтеме жасаған KAZ.NUR.KZ.


Оқиға бесінші наурыз күні №10 автобуста болған. 13 жастағы Даниилдің әжесінің сөзінше, бала жол ақысы ретінде 45 теңге төлеген. Алайда кондуктор оның оқушы екеніне сенбей, одан анықтама талап еткен.


Жеткіншек анықтамасын жоғалтып алғандықтан, көрсете алмаған. Жолаушылардың бірі баланың жолақысын төлеп берген. Дегенмен кондуктор балаға қысым көрсетуін жалғастырған. Ал соңғы аялдамаға келген кезде оны суретке түсіріп алмақ болып, жұлқылап, күрткесін жыртып тастаған. Тіпті жеткіншекті тұншықтыра жаздаған.


Мұндай әрекеттеріне шыдамаған жеткіншек оған қарсылық көрсеткен. Даудың арты үлкен жанжалға ұласып, екеуін автобус жүргізушісі мен жолаушылардың шақыртуы бойынша жеткен патрульдік полицейлер тоқтатпақ болған.


Даниилдің әжесі тәртіп сақшылары немересін электршокермен ұрып, оған тіл тигізгенін жеткізді.


Бұл қылықтарына жауап ретінде жеткіншек полицейді теуіп, саусағынан тістеп алған.


"Полицей немеремді 10 жылға соттатамын деп қорқытқан. Ток әсерінен Даниилдің қалшылдағанын көрдім. Киімінің бәрін жыртып тастады. Жаңа киім алуға қаражатымыз жоқ. Киім алуға мектеп көмектеседі", - деді зейнеткер әйел.


Өскемендік полиция басқармасы баспасөз қызметі аталмыш фактіні растады. Алайда жеткіншекке электр шокерін қолданғандығын жоққа шығарды. Патрульдік полицейлер оны сабасына түсіру үшін тек психологиялық тұрғыдан әсер еткен.


Жасөспірім Шығыс Қазақстандық облыстық психоневрологиялық диспансерде есепте тұрады екен. Ол тәртіп бұзушылық үшін бірнеше мәрте жауапқа тартылған.


Бозбаланың кондукторға қоқан-лоққы көрсетуі фактісі бойынша арыз жазылған, алайда Даниилді жақтаған куәгерлер де бар.


 




Көрілген: 371    Пікірлер: 0

сәрсенбі, 13.03.2019, 15:12

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31