Өскеменде жарылыс болды

22 қазан 2020, 08:47

Өскеменде 21 қазанда түстен кейін екі рет жойқын жарылыс болды, - деп хабарлайды Tengrinews.kz тілшісі YK-news.kz басылымына сілтеме жасап.

 

Сағат 17.20-да екінші жарылыс болған кезде Қазақстан көшесінің ауданындағы көліктердің дабылы қосылды. Жібек маталар комбинаты және Күленов ауылының тұрғындары еденнің сілкінгенін айтты.

 

Сөйтсе бұл жарылыс 25-шағын ауданда жоспарлы түрде жасалған жұмыс екен. Инженерлік инфрақұрылым, пәтер ішін сумен жабдықтау құрылысы жүріп жатыр. Жарылыс жұмыстарын "Kaz Explo Servis" ЖШС жүргізіп жатыр.