Өзбектер мен қырғыздар ММА турнирінде жаппай төбелес шығарды

14 желтоқсан 2021, 10:22

Мәскеудегі WKF лигасының аралас жекпе-жегіндегі іріктеу турнирі жаппай төбелеспен аяқталды, - деп хабарлайды Tengrinews.kz тілшісі kun.uz сайтына сілтеме жасап.

Іріктеу жекпе-жектерінің бірінде жеңіске жеткеннен кейін Өзбекстан өкілі Намазан Самиев кез келген қарсыласпен күресуге дайын екенін айтқан. Залдан қарсылас табылған кезде ұйымдастырушылар дуэль өткізуді ұсынды, жекпе-жек кезінде Самиев күтпеген жерден қарсыласын тізесімен ұрған. 
 
Осындай әрекеттен кейін 50-ге жуық адам торға қарай жүгіріп, өзбек спортшысына шабуыл жасаған, содан кейін жаппай төбелес басталып кеткен.

Журналист Александр Лютиков көрермендердің бірі төбелесті татуластырумен аяқтағанын хабарлады.

"Өзбектер! Қырғыздар! Біз бауырмыз! Неге бұлай істеп жатсыңдар? Бұл - спорт, солай болады!" - дейді ер адам.