Ер адам Павлодардың шағын аудандарының бірінде тұрақта тұрған автокөлікте жанып кетті, деп хабарлайды Stan.kz ақпарат агенттігі.
Павлодар облысы ТЖД баспасөз қызметінің хабарлауынша, жеңіл көліктің салонындағы өрт жүргізуші көлікті іске қосқан кезде шыққан.
"3 желтоқсанда сағат 17.56-да Дүйсенов көшесі, 56 мекен-жайы бойынша өрт туралы хабарлама келіп түсті. Ашық аумақтағы аулада алты шаршы метр аумақта Hyundai accent автокөлігі толығымен жанып кетті. Өрт сөндіру бөлімшелері келгенге дейін багаж бөлімшесінен сыйымдылығы 15 литр газ баллоны эвакуацияланды", - деді ведомствода.
Өрттен 42 жастағы ер адам зардап шекті. Ол бетінен, бел аймағынан, сол қолынан күйік алып, Павлодар қаласының №1 қалалық ауруханасына түсті.
Облыстық ТЖД мәліметінше, өрттің себебі газ-ауа қоспасының тұтануы болды.
"Жарақат алған адам үйдің төбелерін жасайтын жұмысшы болған. Оның жүк салғышында жылу пистолеті, құрал-саймандары және газды өткізуі мүмкін 15 литрлік газ баллоны болған.Көлік жүргізушісіз шамамен төрт сағат тұрды, ол отырғаннан кейін және оны іске қосқаннан кейін газ-ауа қоспасы тұтанды. Жүргізуші көліктен секіріп үлгерген", - деп нақтылады ТЖД-де.
Сағат 18.09-да өрт сөндірушілер жалынды толығымен сөндірді.