Оқиға

Семейде 51 жастағы әйел тұңғышын өмірге әкелді

  • Семейде 51 жастағы әйел тұңғышын өмірге әкелді

    Семейде 51 жастағы әйел тұңғышын өмірге әкелді

Семейде 51 жастағы жергілікті тұрғын Мейрамгүл Қажибаева тұңғышын дүниеге әкелді. Әйел 14 жылдан соң ана атанды, деп хабарлайды Stan.kz ақпарат агенттігі Tengrinews.kz-ке сілтеме жасап.

Мейрамгүл Қажибаеваның тұрмысқа шыққанына 14 жыл болды. Осы уақыт ішінде бала көтере алмады. Бала сүюді армандаған ол экстракорпоральды ұрықтандыру әдісіне жүгінді. Бұл жаста жүкті болу үміті әлсіз болғанымен, қолдан ұрықтандыру сәтті болды.

 
"Мен жүкті екенімді білгенде қуанышымда шек болған жоқ. Менің күйеуім де өте қуанышты болды. Мен бәрінен бұрын оны бақытты еткім келді. Барлық туыстар қуанды. Мені білетіндердің бәрі, барлығы да біз үшін бақытты. Көпшілік әлі күнге дейін сенбейді. Өйткені бұл көптен күткен қуаныш", - деді Мейрамгүл Қажибаева.

Дәрігерлер әйелге жүктіліктің кеш болуына байланысты қауіптер туралы ескертті. Мейрамгүл мамандардың ұсыныстарын қатаң сақтады, денсаулығын қадағалады, қажетті дәрі-дәрмектерді қабылдады, қажет болған жағдайда дәрігерлердің бақылауымен ауруханаға барды.

15 ақпанда Мейрамгүл Қажибаева қыз баланы өмірге әкелді. Анаға да, сәбиге де қосымша медициналық көмек қажет болған жоқ.

«Қыз екі килограмм төрт жүз грамм салмақпен дүниеге келді. Ол алғашқы күндерден бастап салмақ қоса бастады. Анасы жасына қарамастан баланы емізе алады. Сондықтан қыз бала салмақ қосып жатыр. Үйге шығаруға дайын», - деді неонатолог Анар Хайдарова.

Жаңадан туған ана көптен күткен қызының атын Айсана қойды. Бұл атау бірнеше түсіндірмелерге ие. Кейбір деректер бойынша бұл атау араб тілінде «бақытты сағат» дегенді білдіреді.




Көрілген: 265    Пікірлер: 0

сейсенбі, 02.03.2021, 11:11

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30