Шардадарада полицей қызғаныштан ер адамды ұрып, бетіне түкірген

13 желтоқсан 2018, 13:00

Ер адамның шашынан ұстап, балағат сөздер айтқан полицей ішкі істер органдарынан қуылды, - деп хабарлайды Tengrinews.kz тілшісі Түркістан облыстық полиция департаментіне сілтеме жасап.

Желіде жарияланған видеода, қарапайым киім киген полицей ер адамды шашынан ұстап, бетіне түкірген.

Полиция департаментінің өкілдерінің айтуынша, осы дерекке қатысты Шардара аудандық полициясы "Бұзақылық" бабы бойынша біріңғай реестрге тіркеген. Сотқа дейінгі тергеу шаралары жүріп жатыр.

"Облыстық полиция департаментінің ішкі қауіпсіздік басқармасы қызметтік тексеріс жүргізді. Тәртіптік комиссия шешімімен ол ішкі істер органдарынан босатылды", - делінген хабарламда.

Ер адамдардың осындай әрекетке баруына қызғаныш себеп болған.