Төбелеске қатысушылардың бәрі - бір мектептің оқушылары болған, - деп хабарлайды Alashainasy.kz тілшісі "ҚазАқпарат"-қа сілтеме жасап.
Әлеуметтік желіде оқушылар арасындағы жанжалдың видеосы тарады. Онда екі жігіттің бірін бірі аяусыз ұрып жатқанын көруге болады.
Сондай-ақ, бейғам отырған бозбаланы екінші жігіт бетінен теуіп құлатады. Ал, қасындағы балалар араша түсудің орнына видеоға түсіріп, қызық көрген.
Әл-Фараби аудандық полиция бөлімінің қызметкерлері бұл оқиға 27 мамыр күні қаладағы көпқабатты үйлердің ауласында болғанын анықтады.
«Төбелеске қатысушылардың бәрі - көрші сыныптарда оқитын бір мектептің оқушылары. Қазіргі таңда аталған жайт бойынша жан-жақты тексеру жұмыстары жүріп жатыр. Жасөспірімдердің ата-анасына әкімшілік шара қабылданады»,-дейді Шымкент қаласы полиция департаментінің ресми өкілі Салтанат Қаракөзова.