Жұлдыз
Радиосы
Түркістандағы анасы мен төрт баланың өлімі: Оқиғаның жай-жапсары белгілі болды
-
Түркістандағы анасы мен төрт баланың өлімі: Оқиғаның жай-жапсары белгілі болды
Түркістан облысында көз жұмған әйел мен оның балаларының өлімі жайлы жаңа деректер айтылды, деп хабарлайды Stan.kz ақпарат агенттігі.
Облыстық ПД басшысының бірінші орынбасары Әбдуғани Сейдуалиев құтқарушыларға қайғылы оқиға жайлы ақпарат 27 ақпанда кешкісін келіп түскен. Опат болған әйел Гүлнәз Болатова базарда жұмыс істейді екен.
"Сенбі күні Гүлнәз Болатованың жанындағы әріптесі оның жұмысқа келмей қалғанын анықтаған. Күндіз саудагер баласын Гүлнәздың үйіне жіберген, алайда ол үйде ешкім жоқ екенін айтып келген. Кешкісін әріптесі күйеуін жіберген. Ер азамат жанып тұрған жарықты байқап, терезеден қараса, Гүлнәз жерде естүссіз жатқан", - деді Сейдуаливе.
Сөзінше, әйел ұйқыға жатпаған, себебі оның үстінде үй киімі болыпты.
"Біздің ойымша, әйел пешті қосқан. Содан кейін отбасы кешкі асты ішкеннен кейін уланған. Марқұмдардың әрқайсысы әртүрлі бөлмеде болған. Шамамен олар кешкі сағат 7-8 көз жұмған", - деді ПД басшысының орынбасары.
Қазіргі таңда "Өрт қауіпсіздігі ережелерін бұзғандықтан екі не одан да көп адамның өлімі" бабы бойынша тергеу жүргізілуде.
Марқұмдарға сот сараптамасы жасалғаннан кейін туыстарына жерлеуге беріліпті. Қазіргі таңда мәйіттерді жерлеуге арнайы көлік жұмылдырылған.
Облыстың мемлекеттік қызметкерлері отбасы көмек ретінде бір күндік жалақыларын марқұмдардың жақындарына матери алдық көмек ретінде жинап бермек.
Еске салайық, бұған дейін Түркістан облысында анасы мен оның төрт баласының көз жұмғаны айтылған еді.
