ОЛИМПИАДА 2012

Тарланбоз Таңатаров

Жамбыл жұртшылығы жерлестерін зор үмітпен шығарып салған Олимпиадаға. Тараздық тарланбоз­дар алтын алмаса да, қоламен қуантты. Әрине, қоланы да қомсынып жатқан ел жоқ. «Жарайсыңдар!» деп жерлестерінің жеңісіне қуанған бір жұрт. Олимп биігін бағындырған оғыландарын күтіп алуға барын салып бағуда. Алдымен Лондон Олимпиадасында өнер көрсетіп жатқан ұлттық құрама командамызды қолдау үшін облыс орталығында «Алға, Қазақстан!» акциясы өтті.




Атаулы акцияға қала жастары, спорт­шылар, мектеп оқушылары мен тұрғындар көптеп қатысты. Күні кеше атаулы акция аясында демалыс орындарында «Біздің толағайларды қолда!» атты флеш-моб, М.Х.Дулати атындағы ТарМУ-дың спорт алаңында аула клуб­тарының спортсүйер жасөспірімдері арасында қалалық турнир ұйымдас­тырылды. Жасөспірімдердің жасыл алаңдағы жарысы «Менің жеңі­сім – менің еліме» атты ұранмен өтті. Жер­лес­терінің жеңісі құрметіне Мойын­құм ауданында екі шақырымдық марафон ұйым­дасты­рыл­ды. Сондай-ақ облыс орталы­ғын­дағы Достық алаңынан бас­талған көпшілік кросс Қазақстан Рес­пуб­лика­сы­ның Тұңғыш Президенті саябағына де­йін жалғасты. Акция барысында қала әкім­і­нің орынбасары Күлімхан Тоғызбаева, спорт­тық гимнастикадан республикалық дәре­жедегі төреші, спорт ардагері Мария Лабанова арнайы ұйымдастырылған жарыс­тарда жеңіске жеткен жүлдегерлерге ыс­тық лебіздерін білдіріп, олимпиада­шы­лардың жеңісті жолын жалғастыруына ті­лектестіктерін білдірді.

Лондон Олимпиадасында боз кілем­нің шаңын шығарған еркін күрес шебері тараздық Ақжүрек Таңатаров қола медаль үшін белдесуде түрік палуаны Рамазан Сахинмен күресіп, жеңімпаз атанды. 1/8 финалдық белдесу Ақжүрек үшін тартысты өткен болатын. Украиндік қарсы­ласы Анд­рей Квятковскийден екі кезеңде де ба­сым түсіп, ширек финалға жолдама алған-тын. Алғашқы кезеңде палуанымыз 3:2 ұпаймен армениялық Давид Сафариянды жеңді. Дегенмен екінші кезеңде 4:1 ұпаймен алға шыққан армениялықтың же­ңіске деген құлшынысы алабөтен көрінген. Бірақ намысын жаныған Ақжүрек үшінші кезеңді өз пайдасына шешті. Ал жартылай финалдың бірінші кезеңінде Ақжүрек үндістандық Сушил Кумарға есе жібергені­мен, екінші кезеңде есепті теңестірген-тін. Шешім шығатын үшінші кезеңнің нағыз қай­наған шағында үндістандық палуан Ақжүректің құлағын тістеп алып, қан жоса қылды. Белдесу сәтінде көзге көрініп тұрған жайтты төреші есепке алмады. Осылайша, біздің спортшы есе жіберді. Бірақ, айта кетерлігі, Ақжүрек лас белдесудің құрбаны болды. Дегенмен қола – қолда! Әлемнің небір дүлдүлдері бақ сынаған жарыста қолаға да қол жеткізе алмағандар мыңдап саналады. Ендеше, еліміздің қор­жынына қола салған қабыландарымыздың еңбегі ерек!

Ақжүрек Достықұлы Таңатаров 1986 жы­лы Тараз қаласында туған. Қазақстан­ның еңбек сіңірген спорт шебері, еркін күрестен Қазақстанның төрт дүркін чемпионы, бірнеше дүркін халықаралық бірін­шіліктің жеңімпазы. Астанада күрес түр­ле­рінен өткен Олимпиадалық іріктеу жарысында күміс жүлдеге ие болып, лицензияны қанжығасына байлаған болатын.




Көрілген: 2842    Пікірлер: 0

сейсенбі, 14.08.2012, 12:18

Достарыңмен бөліс:

2
  • СОҢҒЫ ЖАРИЯЛАНЫМДАР:
    14 Тамыз 2012
    Зілтемірші Зүлфия
    14 Тамыз 2012
    Мұқалмас Майя

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31