Сәуле Бахыткерейқызы Кішкімбаева 1968 жылы 26 мамырда дүниеге келген. 1991 жылы Алматы педагогикалық шетел тілдері институтын бітіріп, «ағылшын және француз тілдерінің оқытушысы» мамандығын алды. Банк жүйесінде 1994 жылдан бері істейді. «Қазақстан АБН АМРО Банкі» АҚ ЕБ-де кредит тәуекелдері басқармасында маман, бас маман, басқарма бастығы (1994-2000 жылдары), жеке тұлғалармен жұмыс істеу басқармасында менеджер, басқарма бастығы (2000-2003 жылдары), операциялық басқарма бастығының орынбасары, басқарма бастығы (2003-2005 жылдары) болып істеді. 2005 жылдың ақпан айынан 2009 жылдың ақпан айына дейін «Қазақстан Халық Банкі» АҚ-да №2 корпоративтік клиенттермен жұмыс істеу департаментінің директоры болып істеді. 2009 жылдың ақпан айынан бастап Халық банкінің Басқарма Төрағасының орынбасары қызметін атқаруда.