Өмір-юмор!

Кешке кездесуге шық. Джинсы киіп барам...

  • Кешке кездесуге шық. Джинсы киіп барам...

    Кешке кездесуге шық. Джинсы киіп барам...

Сексенінші жылдарда біздің ауылға сұмдық жаңалық жетті: «Джинсы деген шалбар шығыпты». Оны тек саудагерден (ол кезде бизнесмен, коммерсант деген ұғым жоқ қой — Б.Б) алуға болады екен! Бағасы да удай — 130 рубль. Ең мықты деген кәстөм-шалбарың 70-80 рубль тұратын заманда, бұл дегеніңіз, астрономиялық сома. Ал біз секілді оқушыларға шешеміз 40-50 рубльдің кәстөмін алып беретін.
...Сонымен хабар жетті. Танауымызға жел кіріп, кластағы әдемі қыздарға қарап қойып жүрген біз үшін ең басты жаңалық — осы еді. Көп кешікпей ауылда «анау сатып алыпты», «мынау сатып алыпты» деген әңгімелер шыға бастады. Бәрі де — үлкендер. Бірақ біздің көзімізге түсе қойған жоқ.
Бір күні көрдік-ау, ақыры. Бізден бір класс жоғары оқитын Ж. киіп келіпті. Күллі мектеп Ж-ның айналасына жинала қалдық. Өзі де сұңғақ бойлы, әдемі бала еді, джинсы жараса қалыпты. Бірнеше жерде салпыншағы бар. Ал артындағы Техас деген шетелдік жазуды көргенде көзіміз тіпті тұманытып кетті...
Ж-ның салтанаты ұзаққа созылған жоқ. Мектеп директоры көріп қалып, сабақтан айдап шығыпты. Мектепте «төтенше жағдай» жарияланып, класс жетекшілері дереу жиналыс өткізді: «Бұндай шалбарды мектепке киіп келуге рұқсат жоқ. Ал әке-шешеңе: «Алып бер...» деу нағыз оңбағанның ісі. Кеңес оқушысы жат бұндай әрекеттен аулақ болғаны дұрыс...».
Аптығымыз басылып қалды. Әсіресе Ж-ның жүні жығылып қалған сияқты еді. Сырт көзге ғана екен. «Шыт көйлектің де буы болады...» — дейтін шешем. Ал джинсыдың «буы» әлемет болады екен. Ж. біздің кластың ең әдемі қызына хат жолдапты: «Құрметті К...! Кешке кездесуге шық. Джинсы киіп барам...». Біраз бозбаланың емеурінін танып үлгерсе де, дәл мынадай мазмұндағы хат алып көрмеген әлгі сұлу күліп, құрбысына айтады. Ол тағы біреуге. Қысқасы, екі-үш күнде күллі класс құлақтанып болды. Әр жерде жырқ-жырқ әңгіме. Кеше қолымыз жетпеген джинсы енді қылжаққа айналды. Қалжыңбас Болат екеуміз сабақ үстінде қыздарға хат жазамыз: «Құрметті ....! Кешке кездесуге шық. Джинсы киіп барам...». Хатты алған қыздың көзі жарқ етіп, саған қарайды. Оқығанының белгісі. Көбі үндемей қоя салады. Пысықтары қайыра хат жазады: «Әуелі джинсы сатып ал, сосын көрерміз...». Мұндайда мұрныңды бір тартып, бәтеңкеңнің басына қарағаннан басқа амал жоқ...
Бірде әкеме қыңқылдап көріп ем, бағасын естігенде, шорт кесті: «Ауру адамның әңгімесін айтпа!». Әжемнің тілімен айтқанда, «деректірлік оқытатын» (пединституттың тарих факультеті деп ұғыңыз — Б.Б) оқудан бұзақылығы үшін 1-курста-ақ қуылып, ауылда мал бағатын, бірақ Кеңес Одағында шығатын газет-журналды түгел дерлік жаздырып алып, оқитын көкем мынадай жаңалық айтты: «Джинсы — капиталистік елдердегі жұмысшылардың киімі. Олардағы ең арзан шалбар — сол!» Мен, әрине, сенгенім жоқ...
...Осы күні бұтымыздан тастамайтын джинсы біздің ауылға осылай келген. Сіздің ауылға ше?

Бауыржан Бабажанулы

Фейсбуктегі парақшасынан




Көрілген: 6757    Пікірлер: 0

жұма, 21.05.2021, 08:56

Достарыңмен бөліс:





  • СОҢҒЫ ЖАРИЯЛАНЫМДАР:
    11 Желтоқсан 2021
    Бәукеш алған бас бәйге
    8 Желтоқсан 2021
    Ал өлмей қалсаң ше?
    27 Қараша 2021
    Оқтау тақтай
    27 Қазан 2021
    ТОҚАЛ
    22 Қыркүйек 2021
    Қорқамын әйелдерден
    14 Қыркүйек 2021
    ҰЯТЫ БАР ҰРЫ
    2 Қыркүйек 2021
    ...Дамбалсыз қаласың...
    30 Тамыз 2021
    АС ҮЙДЕГІ ЖАРЫЛЫС
    5 Сәуір 2021
    КӨТЕРІП ҚОЙЫПТЫ...
    31 Наурыз 2021
    МОЙЫНДАУ
    28 Наурыз 2021
    ТАСБАҚА ҰША МА?

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31