Отбасы - ошақ қасы

"15 жасында тұрмыс құрған": Он төртінші баласын дүниеге алып келген келіншек бақытты екенін айтты

  • "15 жасында тұрмыс құрған": Он төртінші баласын дүниеге алып келген келіншек бақытты екенін айтты

Алтын құрсақты ана Алматы облысында тұрады. Кербұлақ ауданының тұрғыны 14-ші баласын дүниеге әкелді. 42 жастағы әйел 10 қыз, 4 ұлдың анасы атанып отыр, деп хабарлайды "Еуразия" арнасы.  Отбасында егіз де, үшем бала да жоқ. Жолдасы екеуі өткен аптада туылған шекесі торсықтай ұлының есімін Нұрғалым деп қойыпты. 
Ананың ыстық құшағы мен аялы алақанында бесік жырымен тербетіліп жатқан бұл сәбидің есімі  Нұрғалым. Сәдуақасовтар отбасында дүниеге келген 14-бала. Спортшылар ұшқан жанұядан ғалымдар да шықсын деп ырымдап қойғандары екен. Сәуірдің 5-і күні ғана өмір есігін ашқан нәрестелерін Сәрсенбай мен Гүлназ асыға тосқандарын айтады.

"Әр бала дүниеге келген сайын қуаныштымыз. Құдайдың берген сыйы. Біздің өміріміздің мәні. Біздің байлығымыз. Өмірге деген құлшынысымызды оятып, көңілімізді көтеретін бала-шағамыздың арқасында қандай қиындық болса да жеңіуге тырысамыз", - дейді көп балалы ана Гүлназ Шәкенова. 

Сәрсенбай мен Гүлназдың отау құрғандарына биыл - 27 жыл. Осы аралықта 10 қыз 4 ұлды өмірге әкелді. Онымен қоса, екеуі бақытты ата-апа атанып отыр. Тұрмыстағы үлкен екі қызынан екі жиені бар. Жалпы, көпбалалы болу  үлкен жауапкершілік жүктейтінін айтады. Өйткені, оларға дұрыс тәлім-тәрбие беріп, қатарынан қалдырмай өсіріп-жеткізу де оңай шаруа емес.

"Балалар көптік етпейді. Алланың бергені ғой. Әр баланың нәсібі өзінде. "Бір қой артық туса бір жусан артық шығады" дейді ғой. Қазақта мақал бар ғой. Ешкімге тәуелді жасамаймыз енді. Біз осындай бала таптық, бізге анандай бер, мынандай бер демейміз ғой. Алланың берген балалары. Өзіміз асырап жатырмыз, бағып жатырмыз", - дейді көп балалы әке Сәрсенбай Сәдуақасов.

"Көпбалалы отбасы болғаннан кейін қиыншылық та болады ғой. Енді, көп ауыртпашылық әкемізге түседі ғой, енді. Қазіргі таңда енді. Қазіргі таңда өзім акиматта программист маманы болып жұмыс атқарып, әкеме көмек-жәрдем беріп жатырмын", - дейді Ұлан Сәрсенбайұлы.

Жалпы, бұл отбасы - спортшылар жанұясы. Балалардың көбі әке жолын жалғап, еркін күреспен шұғылданады. Солардың қатарында бірнеше дүркін ел чемпионы атанып, үздік нәтиже көрсеткені - Айжан. Халықаралық дәрежедегі спорт шебері қазір аралас жекпе-жектен ел намысын қорғап жүр.

"Қазақстанды ұттым, мастер орындадым. Енді алдымызда чемпионат мира өтеді. Соған қызу дайындықтамыз. Сол чемпион мира болсам, ары қарай UFC да деген ой болып тұр. Тек қана UFC -да төбелесіп, Қазақстанның туын желбірету мақсаты, сол бірінші қазақ қызы болайын деген шешім қабылдадым", - дейді көп балалы отбасынан шыққан Халықаралық дәрежедегі спорт шебері Айжан Сәрсенбайқызы.

Аудан орталығындағы бұл үй осыдан екі жыл бұрын Сәдуақасовтарға көпбалалы отбасы ретінде берілген екен. Осылайша, балаларының арқасында баспаналы болған Сәрсенбай мен Гүлназ да шамамыз келсе, әлі де сәби сүюден үміттіміз деп отыр.




Көрілген: 2084    Пікірлер: 0

дүйсенбі, 12.04.2021, 15:04

Достарыңмен бөліс:



  • СОҢҒЫ ЖАРИЯЛАНЫМДАР:
    25 Шілде, 23:38
    Көгілдір көзді қыз
    18 Шілде, 00:13
    Енем мезі етті
    3 Шілде, 11:52
    Екеуін де сүйемін
    10 Маусым, 09:11
    Байлыққа қызығып,...
    31 Мамыр, 12:57
    Ана сатып аламын...

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31