50-дегі журналистке тиген жас қыз елді шулатты

14 шілде 2022, 09:23

Соңғы уақытта әлеуметтік желіде егде жастағы ер адам мен жас қыздың бірге түскен видеолары қызу талқылануда. Ел назарын аударған ерекше жұп өмірде ерлі-зайыптылар екені белгілі болды, - деп хабарлайды Alashainasy.kz тілшісі , "Экспресс К"-ға сілтеме жасап.

Отағасы, белгілі журналист Серік Әбдуәлі 50 жастан асса, оның келіншегі Дана Райымжанова 25-те.

 

Таяуда ғана бас қосқан жас жұбайлардың романтикаға толы бейнежазбалары Tiktok желісін жарып жатыр.

 

Бірақ өзінің әкесіндей адамға тұрмысқа шыққан өрімдей арудың таңдауын халық түсіне алмай әлек.

 

 

 tiktok.com/danaraimzhanova

 

"Қандай әдемі жас қыз. Шалға тиіп не күн туды екен?", "Мынау таза ақша үшін тиген ғой. Не болса да бақытты болсын", "25-тегі жігіттерден жақсы шаба ма? Бұл кісінің артықшылығы неде?" — деп сұрақ қойды желі қолданушылары.

 

 

 

Оқырмандарды қызықтырған сауалға орта жастағы журналистке тиген жас қыз нақты жауабын берді.

 

"Сана-сезіміңнің төмендігін-ай. Артықшылығы: қамқор, ақылды, тастап кетпейді. Бетімнің әдемілігін ғана емес, барыммен жақсы көреді", — деді Дана Райымжанова.

 

 

 

Келіншегіне бағытталған желідегі жұрттың сыни пікірі 50 жастағы отағасының құлағына жеткен. Жас қызды жар еткен Серік Әбдуәлі өзінің асаба, тілші екенін айтып, арнайы видео да түсірген. Сондай-ақ ол артықшылығын өлеңмен жеткізіпті.

 

Шал емеспін, еркекпін,

 

Бағалай білсең, еркекті.

 

25-тегі жарымды

 

Өмірімнің көркі еттім...

 

Баланың қамын ойлаған,

 

Бабаның жолын қуады.

 

50-дегі еркектен,

 

Абадан ұрпақ туады,

 

— деп жауап берді Серік Әбдуәлі.