Отбасы - ошақ қасы

Ғашығым досыма тұрмысқа шықты

  • http://ultra-soft.spb.ru

    http://ultra-soft.spb.ru

Ер азаматқа жылау жараспайды білем, бірақ мен кейде қатты өкісп жылап алғым келеді. Өйткені мен өзімнің батылсыздығымнан сүйіктімнен айрылдым. "Алаш айнасы" оқырмандарымен сырымды бөліскім келеді.


Мен Жанарды тұрмысқа шықпай тұрып білемін. оған бір көргеннен ғашық болғанмын. Бірақ батылым жетіп оны сүйетінімді айта алмадым. Өйткені ол екеуміз танысқан кезде үлбіреп тұрған 18 жастағы балауса қыз еді. Ал мен болсам 25-те болатынмын. Достарымның бәрі үйленіп, отбаслы болып жатты. ал мен болсам, Жанарға ағасындай қамқорлық танытып, реті келгенде сезімімді білдіремін ғой деп жүргенімде оны өзімнің досым жар етіп алды. олар екеуі көп кездесті деп те айта алмаймын. Менің досым Әнуар да Жанарды бір көргеннен ұнатып, қыр соңынан қалмай жүріп, ақыры аз уақыттың ішінде оны алып қашып кетіпті. Ал мен болсам өкініштен өзегім өртеніп қала бердім. Өзімнің батылсыздығыма жынып келеді кейде. Олардың тойы болған күні мен өзімді қоярға жер таппадым. Тойға бармадым.


Мен Жанарды шын сүйемін. Әнуардың оны мендей сүйе алатынына сенбеймін. Қазір мен Жанарды жиі көремін. Өйткені достар жиналып, отбасыларымен бас қосқанда Жанар да өзінің күйеуімен еріп келеді. Бәрінің мазағы мен, неге үйленбей жүрсің деп маған әзілдеп тисіп жатады. Ал менің ішімдегі сырымды кім білсін. Мен Жанардан өзге қызды сүйе алматын секілдімін. Жанарды жанымдай жақсы көретінім соншалық оны көргенде қасына қалай барып алғанымды өзім байқамай қаламын. Ол сөйлегенде тамсанып қарап қаламын. Кейде өзімнің бұл қылығымды айналамдағылар байқап қала ма деп қысыламын. Бірақ өзімнің өрттей өршіген сезіміме не істерімді білмеймін


Жанар Әнуарды сүйе ме білмеймін. меніңше, Жанар әлі махаббаттың не екенін де сезіне қоймаған секілді. Бірақ мен оның бақытты болғанын қалаймын. бірақ жүрек шіркін, сүйіктімнен айырылығанына сенгісі келмейді. Мен оны ұмытуым керек екенін білемін. бірақ ұмытқым келмейді. Отбасылы әйелдің балалы болатыны да заңдылық. Бірақ оның басқа жаннан балалы болатынын ойласам тіпті теріме сыймай кетемін. Мен жанарды қатты қызғанамын. Осы ішімді өртеген дерттен қалай айығам? Жанарды қалай ұмытсам болады? Маған кеңес берулеріңізді өтінемін.




Әсет, Талдықорған


alashainasy.kz/ 




Көрілген: 1585    Пікірлер: 0

жұма, 08.03.2019, 20:04

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31