Тоқал алам деген күйеуін қарызға батырып кеткен

25 шілде 2021, 22:34

Кешегі аптада қаладағы бір отбасының төңіректегі дүкен атаулыға шиедей қарыз болып, құтыла алмай жүргені жөнінде естідік. Оқиға былай болыпты:

Үйленгендеріне біраз болған үйдің отағасы әйеліне жайсыздау екен. Әйелдің енесі де келініне күн бермейтін шайпаулау болыпты. Кейінгі кездері күйеуі «тоқал алуға ойы кетіп жүргені, екінші әйел алуға физикалық та, материалдық та жағдайы жететіні» жөнінде жиі айтуды шығарған. Осының бәріне үнсіз төзген әйел кейінгі екі-үш айда төңіректегі дүкендерден азықты да, тауарды да қарызға жаздырып ала берген, оның көбін төркініне тасыған. Ақыры соңында балаларын алып, төркініне тайып тұрыпты. Ал дүкендерге қарыз атаулының бәрі оның тоқал алуға дайындалып жүрген күйеуінің мойнына ілінген. Өздерінің кінәсін, алаңсыздығын кеш түсінген отбасы қарызды қайтар деп жағасынан алған дүкен иелерінің талабын орындаудан басқа лажы қалмай, әбіржіп жүр деседі.

Н. ӘБДІ.

zamana.kz