Сәкен ҚАНЫБЕКОВ, Оңтүстік Қазақстан облысы әкімінің орынбасары:

– Сәкен Әсембекұлы, жуырда Оң­түс­тік Қазақстан облысында заманауи үл­гі­де Нұрсұлтан Назарбаев атындағы зият­керлік мектебі ашылды. Әрине, өзге об­лыстармен салыстырғанда, өңірдегі қос бірдей Назарбаев зияткерлік мек­те­бі­нің алар орны өзгеше. Бұл еліміздегі бі­лім сапасының жыл сайын дамып келе жат­қандығының белгісі болса керек. Ен­деше, жаңадан ашылған іргелі білім ұясы туралы айтып өтсеңіз...

– Әрине, мұны мемлекет құрушы ұлт жиі шо­ғырланған қазыналы оңтүстік өңіріне Ел­басы Нұрсұлтан Назарбаевтың ерекше тар­туы деп қабылдауға болады. Бүгінде қазақ ба­лаларының білімге деген құштарлығының нә­тижесінде күнгейдегі білім ұяларының са­ны жыл сайын артып келеді. Осы жылдың ба­сында Елбасы есімін иеленген алғашқы На­з­арбаев зияткерлік білім ошағы облыстағы жас­өспірімдерге халықаралық стандарттағы дә­ріс бере бастаған болатын. Мінеки, қоңыр күз­дің басында Шымкент қаласында екінші На­зарбаев зияткерлік мектебі шәкірттерге құ­шағын айқара ашты. Химия-биология са­ласына бағытталған білім ордасы 720 оқу­шы­ға лайықталғанымен, әзірге 525 шәкірт ал­ғашқы қоңырау шарасына қатысу бақы­тына ие болды. Елбасы қамқорлығының ар­қа­сында тарихи сәттің куәгері атанып отыр­мыз. Мектептің салтанатты ашылу рәсіміне об­лыс әкімі Асқар Мырзахметов, Астана қа­ла­сынан келген Педагогикалық өлшемдер ор­талығының басшысы Айнагүл Рысбекова, со­нымен бірге «Ақ Орда» корпорациясының ди­ректоры Сайдолла Қалыбеков қатысты. Иә, айта кетерлігі, меншікті жоспар негізінде жо­баланған мектептің құрылыс жұмыстарын жер­гілікті «Ақ Орда» корпорациясы жүр­гізіпті. Үш қабатты ғимарат оқу, зертхана, тіл үй­рету және жатын бөлімдерге бөлінген. 360 орындық асхана өркениет өрнегін та­ны­тып, өзгеше үлгіде жарақталған. Ал 120 орынға лайықталған жатақханада шалғай ау­дандар мен елді мекендерден келген бі­лім­герлер қоныстанды. Әдеттегі мек­теп­тер­ден сәулеті де, салтанаты да ерек оқу бло­гын­да 65 арнайы пән кабинеті орналасқан. Оның ішінде 18 тіл үйрету бөлмесі, химия, био­логия, физика, математика, тарих, гео­гра­фия, экономика, нано-биотехнология, робототехника саласының ауқымды зерт­ха­на­лары да бар. Міне, егемендігіміздің ар­қа­сында «Кент салып, тал егу арман болған» ба­балар арманының жүзеге асқандығына қуан­дық. Балалығымыз Кеңес Одағы тұ­сында өткен біз үшін бұл бейне ертегілер әле­міндей әсер сыйлады. Тіпті білім ұясында жеке білім алуға арналған аудиториялар, техникалық модельдеу, өнер, ән, би, пси­хо­логиялық бейімдеу, педагогикалық және ақ­па­раттық интеграциялау технологиясы мен лек­ция кабинеттері де көркем жаб­дық­та­луымен, заманауи стилімен жұтынып тұр. Мерекелік іс-шаралар өткізуге лайықталған 320 орындық көпфункционалды акт залы да көз қызықтырады. Бұл акт залында хо­рео­гра­фия сабақтары өткізілетін болады. Одан өз­ге әр баланың коммуникативті қабілетін арт­тыру әрі көпшілік алдында шебер сөй­леу­ді меңгерту мақсатында TV NIS телестудиясы жабдықталған. Оқушылар мұнда түрлі бағ­дар­ламалар ұйымдастырып, монтаж жа­сау­ды меңгереді. Яғни дарынды балалар бо­йын­дағы ерекше қабілеттерін қай салада бол­сын ашып, дамытуына, өркениет жа­ңа­лықтарын мектептен үйреніп, сегіз қырлы, бір сырлы болып шығуына барлық жағдай жа­салған. Жүйелі, барлық жағдай жаса­лын­ған ортадан білім алған жас ұрпақта арман жоқ шығар деп ойлаймын..

– Білімге құштарлықтың нәтижесінде өңір­де мектепке баратын жас жеткін­шек­тердің саны жыл сайын арта түсуде. Міне, жаңа оқу жылы басталып та кетті. Күн­гейдегі мектептердің дайындығы қалай?

– Демографиялық өсімнің артуына бай­ланысты биыл қыркүйектің басында алғаш рет мектеп табалдырығын аттаған жеткін­шек­тердің саны 58 720-ны құрады. Осыған орай, 2013-2014 жаңа оқу жылына да­йын­дау үшін жергілікті білім басқармасының ар­наулы бұйрығымен бірқатар дайындық жұмыстары жүргізілген болатын. Атап айтар болсақ, онда оқу мекемелерінің жаңа оқу жы­лына және күзгі-қысқы мерзімге да­йын­дық жұмыстарын өз деңгейінде жүргізу керектігі айтылып, білім бөлімдерінде штаб құ­рып, іс-шаралар жасау, қазандықтарды уақ­тылы дайындау, қатты, сұйық отынмен то­лық қамтамасыз ету, жөндеуге қаралған қар­жыға бірінші кезекте жылу жүйесін жөн­деу қажеттілігі тапсырылды. Облыс бойынша бі­лім мекемелерінің 2013-2014 жылдарға ар­налған жылу беру маусымына ны­сан­дар­ды дайындау туралы іс-шаралар жоспары жа­салынып, басшылықтың бекітуімен тиісті ме­кемелерге жіберілді. 2013-2014 жыл­да­ры жаңа оқу жылына 126474,2 тонна қатты отын жоспарланып, осы жыл ішінде білім ұя­ларына 55 197 тонна қатты отын та­сы­мал­данды. Осылайша көрсеткіш 44 пайызға өсіп, кіші қазандықпен жылытылатын ме­ке­ме­лерге 53 пайызға дейін жанар-жағармай да­йындалды. Қалған қатты отындарды то­лық тасымалдау да жоспарланған. Ал жа­нар-жағармайды келісімшарт бойынша ыдыс­тың сыйымдылығына қарай та­сы­мал­дау­шы мекеме жеткізіп тұрады. Қазіргі таңда өңірдегі 1446 білім мекемесінің жаңа оқу жы­лына 1169-ы дайындалды, яғни 81 па­йыз­ды құрайды. Алда тағы да қауырт жұмыс жүр­гізілуде. Облыс бойынша 109 (66 мек­теп, 26 балабақша, екі мектептен тыс ме­ке­ме, үш көмекші мектеп-интернат, 10 кол­ледж, екі балалар үйі) білім мекемелерін күр­делі жөндеуден өткізуге жергілікті бюд­жет­тен 5,4 млрд теңге, ағымдағы жөндеуге 1,8 млрд теңге қаралып, жұмыстар жүр­гі­зілді. Сонымен қатар облыс бойынша 2013 жылы республикалық және облыстық бюд­жет есебінен 20,2 млрд теңгеге 83 білім ( 55 мек­теп, 12 балабақша, жеті қосымша құ­ры­лыс, жеті қайта құру, 2 ПШ) нысанының құ­рылысы жүргізілді. Оның биылғы жылы 48 (28 мектеп – 10375 орын, сегіз балабақша – 935 орын қамтылып, алты қосымша құры­лыс, төрт мектепті қайта құру, 2 ПШ) білім ны­санының құрылысын аяқтау жос­пар­лан­ған.

– Жаңа оқу жылына орай өңір хал­қы­ның игілігі үшін жаңа мектептер көп­теп ашылды. Жалпы, облыс аумағын­да­ғы жаңа ашылған білім ұяларының жай-күйі туралы айтып өтсеңіз…

– Шындығында, республика бойынша алғаш мектепке баратын оқушылардың саны жағынан көш бастап тұрғанымыз рас. Осы арада бір сұрақтың туындайтыны анық: «Өңірдегі осыншама ұрпақты бірдей уақытта толық қамтамасыз ету жағы қалай болады?». Алайда «Жұмыла көтерген жүк жеңіл» де­гендей, жаңа оқу жылына біз барлық сыннан сү­рінбей өттік. Оңтүстікте күзгі оқу мау­сы­мын­да бірқатар жаңа нысандар ашылды. Ста­тистикалық мәліметтерге жүгінер болсақ, 1 қыркүйекте облыс бойынша 22 жаңа мек­теп пайдалануға беріліпті. Жалпы, бүгінде өңі­ріміздегі білім мекемелерінің жалпы саны 1 021-ге жетті. Ал, жоғарыда айтып өт­кен­дей, қыркүйектің басында алғаш рет мектеп та­балдырығын аттаған жасөскіндердің саны 58 720-ны құрап, рекордтық көрсеткіш жа­са­дық. Өңірде бой көтерген 22 жаңа білім ұя­сының жетеуі – республикалық бюджеттен, 11-і–облыстық, ал қалған төрт мектеп жер­гі­лікті қазына қаражатына тұрғызылған. Атал­мыш мекемелер апаттық жағдайда деп та­нылған, үш ауысыммен оқытатын және мүл­де мектебі жоқ елді мекендерде бой көтерді. Ал мемлекеттің көмегінсіз ғимарат тұрғызғандар көшін Сайрам ауданы бастап тұр. Себебі аталмыш аудан өз қаражатымен мектеп салуда өзге өңірлерге үлгі болуда. Қуан­тарлығы, жаңа бой көтерген мек­теп­тер­дің аты да ұлтымыздың ұлы тұлғаларына бе­рілген. Шымкенттегі Н.Назарбаев атындағы зият­керлік мектептен тыс, Ақсукентте қа­зақ­тың біртуар азаматы, ақиық ақын Мұқағали Ма­қатаев атындағы мектеп ашылды. Үш қабатты оқу ғимараты барлық талапқа сай тұрғызылған. Мектептің құрылыс жұмыс­та­рын жүргізген «Гео-проект» және «Арт-құ­ры­лыс» ЖШС-лері. Жаңа білім ұясында бар­лы­ғы 1720 шәкірт екі ауысымда білім алады. Мек­теп директоры Ұлдана Оразбаеваның ай­туынша, 136 мұғалім балаларға сапалы бі­лім беретін болады. Оқу кабинеттері, ас­ха­на, спорт залы заман талабына сай жаб­дық­талған. Жаңа білім ордасында оқитын шә­кірттер мен олардың ата-анасының қуа­ны­шында шек жоқ. Ал қыркүйектің алғашқы күні өңіріміздің аудандарында да мектептер бірінен соң бірі – жас ұрпаққа құшағын аш­ты. Нақтылап айтар болсақ, Қазығұрт ауда­нын­да екі әлеуметтік нысан ашылып, пай­да­лануға бе­рілді. Оның бірі  – Жігерген ауыл ок­ругіне қарасты Дихан елді мекеніндегі «Ай­натас» жалпы орта мектебі. Екіншісі – Ал­­тын­­төбе ауы­лын­дағы «Алтынтөбе» орта мек­­тебі. Бұған де­йін Жігерген ауылының оқу­­шы­лары бас­та­уыш мектепте білім алып, жоғары сы­ныпты көр­ші ауылдың мектебінде жал­­ғас­тырып кел­ген. Енді, міне, екі қабатты зәу­лім ғи­марат ауыл оқушыларының игі­лігіне берілді. Ал «Алтынтөбе» мектебі 300 орынға ар­налған екен. Бұл мектептің са­лынуына об­лыс қазы­на­сынан 540 миллион қа­ралған. Жа­ңа оқу жы­лы түркістандықтар үшін де қуа­ныш­пен бас­талды. Шавгар елді мекенінің оқу­шылары жаңа мектептің табал­ды­рығын ат­тады. 300 орынға арналған оқу ғима­ра­ты­ның құры­лы­сына республикалық бюд­жет­тен 412 046 мың теңге бөлінген. Мұн­да ба­ла­ларға қа­жет­ті жағдайдың бәрі жа­салған. Ком­пьютер сыныбы және арнайы пәндік ка­бинеттер де тиісті құрал-жаб­дық­тар­мен қам­тылған. Спорт, мәжіліс және акт залдары да көркем безендірілген.

– Жалпы, қажетсінуді толықтай қам­та­­масыз ету оңай шаруа емес. Мұнан бұ­­рын пайдалануда болған үш ауы­сым­да оқы­татын мектептер туралы не ай­та­сыз? Одан тыс түрлі апатты жағдайдағы мек­­тептердің жай-күйі қалай?

– Иә, бірден коммунизм орнатып жі­бе­ру­дің қажеті жоқ. Халық тығыз орналасқан өңірде проблеманың болмауы да ақылға қо­нымсыз. Мәселен, былтыр бірнеше мек­теп үш ауысымды оқытатын мектеп қа­та­рында болатын. Нақтылап айтар болсақ, өт­кен жылы облыста үш ауысымда оқитын төрт мектеп болса, оның екеуінің мә­се­лесі шешілді. Облыс әкімінің тап­сыр­ма­сы­мен облыстың әлеуметтік картасын жасау ба­рысында облыстағы үш ауысымда оқитын мек­тептер мен апаттық жағдайдағы мек­теп­тер­ді нақты анықтау бойынша тиісті жұ­мыс­тар жүргізілді. Соның нәтижесінде бүгінгі кү­ні облыста 48 апаттық жағдайдағы, 35 үш ауы­сымда оқитын мектептер бар екені анық­талып отыр. Ендігі жерде кезең-кезеңімен жыл сайын 150 орынға дейінгі мектептер мә­селесі аудандық бюджет есебінен, 300 орынға дейін облыстық бюджет есебінен, ал 300 орыннан жоғары мектептер респу­бли­ка­лық бюджет есебінен шешілетін болады. Ал апатты жағдайдағы мектептерге келер болсақ, 2009-2012 жыл аралығында облыс бо­йынша 62 мектептің ғимараты апатты бол­ған. Ғимараты апатты жағдайдағы 62 мек­тептің 61-іне жаңа құрылыс және қайта құру жұмыстары жүргізіліп, тапсырылды, ал бір мектептің құрылысын 2013 жылы тапсыру белгіленген. 2013 жылы облыс әкі­­мінің тапсырмасына сәйкес, облыс бо­йын­­ша апатты жағдайдың алдында тұрған 65 мектеп ғимараттарына талдау жасап, қа­уіп­­ті жағдайдағы ғимараттардың техникалық ах­уалын зерттеп, жұмысшы топ тізімдегі мек­тептерді толық аралап, зерделеу қоры­тын­ды­сымен 65 мектептің 1-кезекте 48 мек­те­бінің ғимараты апатты деп шешіп, тізімді бе­кітіп, ҚР Білім және ғылым министрлігіне жі­берді. Қазіргі кезде осы тізімдегі мек­теп­тердің құрылысын салу бойынша іс-шаралар жа­салынып, жұмыстар жүргізілуде. 48 ғи­мараты апатты 15 мектептің ЖСҚ да­йын­да­лып, мемлекеттік сараптамадан өткізіліп да­йын­далса, 27 мектебінің жобалау-сметалық құ­жаттарына қаржы бөлініп, дайындалуда, ал алты мектептің құжаттарын құрылыс са­лы­натын жер телімі шешіліп, сәулет-жос­парлау тапсырмасы дайындалғаннан кейін қаржы қарастырамыз.

– Бүгінде облыста мемлекеттік тіл мә­селесі басқа аймақтардан көш ілгері екені белгілі. Дегенмен біраз мәселелер бар екенін жасыра алмаймыз. Шын­туай­­тында, көшелердегі жар­на­ма­лар­дың жайы көңіл көншітпейді. Мұны мем­лекеттік тілге деген құрметсіздік деу­ге болады. Әрине, еліміздің үшінші қа­ласы атануға ұмтылыс жасап жатқан об­лыс орталығы – Шымкент көше­ле­рін­дегі жарымжан жарнамалар мен қатесі көп хабарламаларды қалай біржақтылы етпексіздер?

 – Шымкент қаласы жыл сайын дамып ке­леді. Алайда көшеге рең берер жар­на­ма­лар мен түрлі тақтайшалардағы қатеден бе­тіңіз қызарады. Шындығында, мылқау, со­қыр жарнамаларды ретке салу ісін біз жыл бо­йы жүргізіп келеміз. Түрлі рейдтік ша­ралар мен арнайы мекемелерге тапсырма жүк­тегенбіз. Алдағы күндерде оң жемісін бе­реді деп күтудеміз. Мұны өңір басшысы Ас­қар Мырзахметовтің өзі бас болып на­зарға алып, көрнекі ақпарат пен жарнама жа­зуларына байланысты хаттамалық тап­сыр­маларды тұрақты бақылауда. Облыста күн­делікті әртүрлі бағыттағы коммерциялық нысандар ашылып, түрлі маңдайша, жар­на­ма жазулары пайда болып жатыр. Бірі рет­тел­се, екіншісі заң талабын бұзып жатады. Шым­кент қаласы облыс орталығы бол­ған­дық­тан, жарнама, көрнекі ақпарат жа­зу­ларына байланысты проблемалар жиі кез­де­седі. 2013 жылғы 21 қаңтардағы №72-V «Қазақстан Республикасының кейбір заң­на­ма­лық актілеріне ономастика мәселелері бо­йынша өзгерістер мен толықтырулар ен­гізу туралы» Қазақстан Республикасының За­ңы 24 сәуірден бастап қолданысқа ен­гі­зіл­ді. Жаңа заңға сәйкес, деректемелер мен көр­некі ақпаратты орналастыру бөлігінде ҚР «Тіл туралы» заңнамасының сақталуын ба­қы­­лау­ды жүзеге асырады. Тіл туралы заң­на­ма­­сында белгіленген талаптардың бұзылуын жою туралы ұсынымдар береді, Қазақстан Рес­публикасының әкімішілік құқық бұ­зу­шы­лық туралы заңнамасында көзделген негізде жә­не тәртіппен әкімшілік ықпал ету ша­ра­ла­рын қолданады. Қазақстан Рес­пу­бли­ка­сын­дағы мемлекеттік бақылау және қадағалау ту­ралы Заңына сәйкес, тексерулер жүргізудің жартыжылдық жоспарын әзірлейді және бекітеді. Осы талаптарға сәйкес, «Дерек­те­ме­лер мен көрнекі ақпаратты орналастыру» бө­лігінде ҚР «Тіл туралы» заңнамасын сақ­та­­уы­на жеке кәсіпкерлік аясындағы тәуекел­дер дәрежесін бағалау өлшемдерін және тексеру па­рағының нысанын бекіту туралы» ҚР Мә­дениет және ақпарат министрлігі мен Өңір­лік да­му министрлігінің бірлескен бұйрығы бе­кі­тілді. Осы бұйрыққа сәйкес, үш жыл толған жеке кәсіпкерлік субъектілеріне тексеру жүр­гі­зілетін болады. Әр жарты жыл сайын тек­се­рілетін объектілердің тізімі жа­салып, тек­се­ру жоспары бекітіледі. Бүгінде 2014 жыл­дың І жартыжылдығында тексеру жүр­­гі­зілетін коммерциялық нысандардың тізімі анық­талуда. Тексеру қорытындысы бо­йынша елеу­сіз орташа, жоғары тәуекел дә­ре­жесі бо­лып бөлінеді. Әкімшілік құқық бұ­зушылық ко­дексіне сәйкес, деректемелер мен көрнекі ақ­паратты орналастыру жө­нін­дегі та­лап­та­р­ды бұзу ескерту жасауға әкеп со­ғады. Қай­та­ланған жағдайда лауазымды адам­дарға, да­ра кәсіпкерлерге, шағын кә­сіп­керлік субъек­тілері немесе коммерциялық емес ұйым­дар болып табылатын заңды тұл­ға­ларға – 10, орта кәсіпкерлік субъектілері бо­лып та­бы­латын заңды тұлғаларға – 20, Ірі кә­сіпкерлік субъектілері болып есеп­телетін заң­ды тұлғаларға 50 айлық есептік көр­сеткіш мөлшерінде айыппұл салынады.

 – Өткен жылғы өңір басшысының жыл­дық қорытындысында ретсіз сауда орын­дары мен жабайы жарнамалар ту­ралы арнайы тапсырма берген бола­тын. Соның нәтижесінде жүзеге асып келе жат­­қан жарнамаларды тексерген ар­на­йы рейд жұмысының оң нәтижесі бар ма?

 – ОҚО сәулет және қала құрылысы бас­қар­масы, ОҚО бойынша салық департаменті жә­не ОҚО тілдерді дамыту басқармасы мен ОҚО елді мекендерінде заң талаптарын бұз­ған маңдайшалар мен сыртқы жарнама ны­сан­дары бойынша бірлесе атқаратын іс-ша­ралар жоспары бекітілген. Жоспарға сәйкес тоқ­сан сайын маңдайша, жарнама жа­зу­ла­ры­на байланысты түсіндіру жұмыстары жүр­гі­зіледі. Облыста 7 638 коммерциялық ны­сан бар. Оның 7281-і заңға сәйкес, 291-і заң талабына сай келмейтіні анықталған. 2013 жылдың І жартыжылдығында Шым­кент қаласында орналасқан коммерциялық ны­сандардағы жарнамаларды ретке келтіру жұмыстарына Абай, Әл-Фараби, Еңбекші ау­дандарының әкімдіктері, қалалық сәулет жә­не қала құрылысы бөлімі, қалалық мә­дениет және тілдерді дамыту бөлімі, салық бас­қармасы мен құқық қорғау қызмет­кер­ле­рімен бірлесіп 17 рет рейдтік шаралар жүр­гізілді. Нәтижесінде қала аумағындағы 968 коммерциялық нысанның басшыларына тү­сіндіру жұмыстары жүргізіліп, заңсыз ор­натылған 253 жарнама құралдары алынды. Ал­дағы уақытта облыс әкімінің орынбасары, аудан, қала әкімдерінің орынбасарлары, облыстық әділет департаменті, жарнама агент­тіктері, аудандық, қалалық мәдениет жә­не тілдерді дамыту бөлімдерінің, сәулет жә­не қала құрылысы бөлімдерінің бас­тық­тары мен қызметкерлері, аудандық, қалалық про­куратура, зиялы қауым өкілдері, тіл жа­на­шыр­ларымен, жергілікті БАҚ-пен бірлесіп, түсіндіру шараларын жүргізіп, жергілікті кәсіпкерлермен «Қала көркі – ақпарат» тақырыбында семинар, «Көрнекі ақпарат тілі: тәжірибе және өзекті мәселелер» атты облыстық семинар-кеңестер ұйымдасты­ры­ла­ды. Алдағы уақытта қала аумағындағы жар­намаларды реттеу жұмыстары жал­ғасады.

– Өңірдегі өзен-көлдердің арнасынан ша­ғыл тас тасушыларға қандай шектеу қойылады? Жалпы, төтенше жағдай­лар­дың алдын алу қалай іске асуда?

– Облыс көлемінде өзендер мен көл­дер­дің арнасынан тас, құм алушылардың сал­да­рынан көпірлер мен жолдарға және елді ме­кендердегі тұрғын үйлерге қаупін төн­ді­руде. Осыған орай, 2010-2011 жылдары об­лыс әкімдігінің тарапынан құзырлы ор­ган­дардың мамандарынан құрылған ко­мис­сия­мен су қорғау аймақтарында жұмыс жүр­гі­зіліп жатқан мекемелердің жұмыстары тоқ­татылды. Өңірде табиғи және техногендік си­паттағы төтенше жағдайлардың алдын алу жұмыстары облыстық төтенше жағ­дай­лар жөніндегі комиссиясының отырыс­та­рында жоспарлы түрде қаралып, алдын ала жүр­гізіліп отырады. Комиссия отырыс­та­рында, мезгілдік төтенше жағдайлар бой­ын­ша, су тасқындары, қыс кезеңіндегі қарлы бо­расындар, дала және орман өрттерінің ал­дын алу жұмыстары тұрақты қаралып, бақылауға алынған. Автожолдар мен жол қыз­меттерінің қыс мезгіліне дайындығы, Шар­дара суқоймасынан Сырдария өзенімен тасқын суды қауіпсіз өткізу, су тасқыны кезеңіне дайындығы және жылу беру мер­зі­мі­не дайындық бойынша төтенше жағ­дай­лар комиссиясы төрағасының өкімдері шы­ғып, іс-шаралар жоспарлары дайындалып, жа­уапты тұлғаларға жеткізіледі. Сонымен қатар ОҚО Төтенше жағдайлар департаменті табиғи қауіпті құбылыстарға мониторинг жүр­гізіп отырады. «Оңтүстік Қазақстан облы­сының қауіпсіздік төлқұжаты», облысқа тән төтенше жағдайлардың қауіп-қатер каталогі дайындалған және жыл сайын өңделуде.

– Уақыт бөліп әңгімелескеніңізге көп рақмет!

Облыстың әлеуметтік картасын жасау ба­рысында облыстағы үш ауысымда оқитын мек­тептер мен апаттық жағдайдағы мек­теп­тер­ді нақты анықтау бойынша тиісті жұ­мыс­тар жүргізілді. Соның нәтижесінде бүгінгі кү­ні облыста 48 апаттық жағдайдағы, 35 үш ауы­сымда оқитын мектептер бар екені анық­талып отыр. Ендігі жерде кезең-кезеңімен жыл сайын 150 орынға дейінгі мектептер мә­селесі аудандық бюджет есебінен, 300 орынға дейін облыстық бюджет есебінен, ал 300 орыннан жоғары мектептер респу­бли­ка­лық бюджет есебінен шешілетін болады. Ал апатты жағдайдағы мектептерге келер болсақ, 2009-2012 жыл аралығында облыс бо­йынша 62 мектептің ғимараты апатты бол­ған. Ғимараты апатты жағдайдағы 62 мек­тептің 61-іне жаңа құрылыс және қайта құру жұмыстары жүргізіліп, тапсырылды, ал бір мектептің құрылысын 2013 жылы тапсыру белгіленген.